Belgili prodússer Qydyráli Bolmanov «buryn birinshi otbasy bolǵan jáne onyń birinshi áıeli - burynǵy «Aqjúnis» baǵdarlamasynyń júrgizýshisi Sáýle Ábedınova» degen halyq arasynda taralyp ketken qaýeset sózderdiń shyndyqqa janaspaıtynyn aıtty, - dep habarlaıdy Qamshy.kz nur.kz - ke silteme jasap.

Juldyzdy jup Qydyráli Bolmanov pen Qaraqat Ábildına jelide shańyraq kótergenderine 17 jyl tolǵanyn aıtyp, bólisken bolatyn. Olar budan 17 jyl buryn Almaty qalasynda, dál tamyzdyń 20-y kúni shańyraq kótergen-di. Bul týraly Qydyráli óziniń jelidegi paraqshasyna bylaı dep jazdy:

«Osydan 25-jyl buryn boıdaq bolatynmyn... Arman, maqsat kóp...Sol armandardyń eń bastylarynyń biri laıyqty, tárbıeli, aqyldy, sabyrly, sanaly, sulý, bilimdi - eń bastysy, adal, nıeti túzý, ózińdi túsine jane baǵalaı biler, týǵan-týystaryńmen til taýyp qurmetteı alar, ar, abyroıyńdy saqtaı alar, balalaryńnyń anasy bola alatyn, janyńa jar tabý...».

Bolmanovtyń aıtýynsha, Qaraqatqa deıin onyń júreginen úmitker nebir has sulýlar bolǵan. Tipti, bastyq ákelerdiń ózderi oǵan kelip, qyzdaryn bermekke umtylyp, oǵan «quda túspekshi» de bolǵan eken. Olar ánshige úı de, jumys ta, mansap ta áperemiz dep ýáde etkenimen, Qydyráli olarǵa burylyp ta qaramaǵan kórinedi. «Biraq qansha sulý bolsa da, sol sulýlardyń eshqaısyna buryla almadym... Maǵan ómirlik jar bolatyn qyzdy kóre de, seze de almadym...», - deıdi ol.

Osylaısha, ol ómirlik jary Qaraqatty kezdestirgen kezde, eki saǵattyń ishinde onyń ózine laıyq adam ekenin túsingenin aıtady. Bolashaq jaryn ózi izdep baryp, jataqhanadan qalaı taýyp alyp, onymen qalaı shańyraq kótergenine deıin baıandap berdi ánshi. Jeli qoldanýshylarynyń deni olardy osy qýanyshty mereıtoıymen quttyqtap, baqytty ǵumyr tiledi. Degenmen, qoldanýshylar arasynan Qydyráliniń birinshi otbasy bolǵan degen ketken qaýeset sózderge qatysty túsinik berýdi talap etken qoldanýshylar da boldy.

«Qutty bolsyn aǵa! Jasaı berińiz, jaryn qurmettegen azamat bolsa sizdeı-aq bolsyn! Eńbegińiz jansyn! Bir suraq qoıǵym keldi, aıyp etpeńizshi... «Áıel baqyty» baǵdarlamasyna kezinde «Aqjúnis» baǵdarlamasyn júrgizgen Sáýle Ábedınova qonaqqa kelgende Láıla Sultanqyzy oǵan «siz Qydyráli Bolmanovtyń birinshi áıeli degen sóz bar» dep suraq qoıdy. Sol qanshalyqty ras?», «Aǵa sizdi kóbi Qaraqatqa deıin úılengen bolatyn dep aıtady, osy suraqqa óz aýzyńyzdan jaýap estisek. «Áıel baqytynda» Sáýle hanym kelgende siz sol kisiniń birinshi kúıeýi dep kóp aıtylǵan bolatyn», - degen suraq qoıdy ánshige jeli qoldanýshylary.

Tyńdarmandarynyń mundaı suraqtary men kópten taralyp ketken qaýesetter ánshiniń ashýyna tıip ketkenge uqsaıdy. Ol bul qoldanýshylarǵa ósek-aıań taratý degen aýyr kúná ekenin aıtyp, olardy synnyń astyna aldy.

«Ony Láıla men Sáýlege qoıyńyz. Sáýlege eshqashan úılengen emespin. Alla saqtasyn, ne degen fantazıa?», - dep tańdandy ánshi.

«Ósek-aıań terip jane ony shyǵaratyndar, óte úlken kúná jınaýshylar...Áıel adam bóten erkekke suraq qoıýǵa, jón silteýge eshqandaı qaqysy joq... Men erkekpin, toqal alamyn ba, alǵym kelse eshkimnen suramaımyn. Alǵym kelmese, eshkim aldyra almaıdy! Namysym da, sózim de kesek ekenin 25-jyl kóz aldaryńyzda ósip kelemin, TV-dan túsken emespin, meniń jyltyrbet, urlanyp júrmeıtin erkek ekenime sanańyz arqyly saraptasańyz kózińiz ábden jetip tur. Sondyqtan meniń jeke ómirimde, januıamda sharýalaryńyz bolmasyn. Jáne mende tastap ketken bala-shaǵa joq. Alǵashqy aq nekeli jarym da Qaraqat. Jańaǵy Sáýle, Láılálardyń áńgimesine esh qatysym joq!», - dedi ashýlanǵan ánshi.