Belgili prodússer Serik Abbas-shah jattap laý úshin qaltasyna salyp júrgen Quran súresi jazylǵan paraqtyń kir jýý mashınasynan qup-qurǵaq kúıinde shyqqanyna tańdandy, - dep habarlaıdy Qamshy.kz.

Avtordyń Feısbýk paraqshasyna jazǵan jazbasyn ózgerissiz usynamyz:

"Keshe keshke zat kóterip júrip, súıikti shortıgimdi bylǵap aldym. Kıim aýystyryp, álgini jýýǵa berer aldynda (kelinshegimniń kózinshe) qaltamdy aqtaryp jatyrmyn ǵoı. Qujat, kilt, qaǵaz degendeı... "Baılyqtyń" bárin basqa qaltama salyp, jónime kettim. 
... ... ...
- Sekebaı, óziń teksergen soń, shortıkti sol qalpymen kirjýǵyshqa salǵanmyn. 
- Sosyn...
- Jýylyp bolǵan soń, balkonǵa jaıǵaly tursam, tómengi qaltasynan taǵy basqa qaǵazdar shyqty. Baıqamaı qalǵansyń ǵoı. Qaltyńdy óziń aqtarǵan soń, ary qaraı qaramaǵan edim. Keshirshi...
- Endi...
- Bir, eki qaǵazyń búlinipti. Biraq, Quran jazylǵan qaǵazǵa eshteńe bolmapty. Sol qup-qurǵaq qalpynda.
- Qalaı qurǵaq?
....
Qysqasy bylaı: Alty-jeti jyldaı ýaqyt boldy. Fatıxa súresin jattaımyn dep nıet qylyp, ony kishkentaı bir qaǵazǵa yńǵaıly bolsyn der bastyryp, qujatyń arasyna salǵanmyn. Sodan beri, (qaıda barsam da) qaltamnan túsken emes. Ara-arasynda eske túsip, (oqyp) qaıtalaǵanmen, kúndelikti daǵdyǵa aınaldyra almaı júrgenmin. Endi, mine... Ne derimdi bilmeımin...
Qaǵazdyń sý ishinen qurǵaq shyqqany qyzyq boldy. Eger basqa bireýdiń aýzynan shyqsa, ásire áńgime bolar dep senbes edim. Qudaıdyń qudireti dep qoıdym (ishimnen)... Múmkin, bul onyń kezekti eskertýi shyǵar?!", - dep jazdy Serik Abbas-shah.

Probdússerdiń bul jazbasy bir saǵattyń ishinde segiz júzden astam lúpil jınap, júzge jýyq adam bólisken.