Qosseıit aýylynda sońǵy ýaqytta júzim ósirip, úıinen jylyjaı salýshylar qatary molaıyp tur, - dep habarlaıdy Qamshy.kz.

Aýdan ákimi Arman Abdýllaev byltyrdan bastap barlyǵy 13 gektar alqapqa júzim aǵashyn otyrǵyzyp jatqan Qabylan Jumabektiń sharýashylyǵyn aralap kórdi. Japyraǵyn jaıqaltyp úlgergen baýdyń ósimi jaqsy kórinedi eken. Búgingi kúnniń talaby – kooperatıvke birige otyryp, memleket tarapynan beriletin kóptegen jeńildikterdi paıdalaný bolyp tabylatynyn jete uǵynǵan Qabylan myrza bul jumysta kezdesetin qıyndyqtardy da aıtyp ótýdi umytpady. Qojalyq ıesin muqıat tyńdaǵan aýdan basshysy problemalar boıynsha jumys júrgizetinin de aıtty.

Ońtústik Qazaqstan oblysyna qarasty Shardara aýdanynyń turǵyny, kásipker Nádir Qosanovtyń otbasy búginde jylyjaıdyń jaıyn jasap, sapaly eńbek nátıjesin kórsetýge bar kúsh-jigerlerin salyp jatqanydaryn aıtady. Aıtýlarynsha, ebektiń nany tátti, tabystary da jaman emes kórinedi.

Aıta keteıik, bul aýdanda óz aldaryna jumys jasap, tabys tabatyn sharýlar búginde kún sanap kóbeıip keledi eken.

Aýdan ákimi úıirgelik jylyjaı kólemin odan ári ulǵaıtyp jatqan Nádir Qosanovtyń tirligine rıza boldy. Alǵashynda 10 sotyq jerge jylyjaı jasap, kók-sók ekken Qosanovtardyń otbasy ónimdi ózinen shyǵarsa kól-kósir paıda bolatynyna kózderi jetken eken. Sondyqtan da bıyl taǵy da aýlasyndaǵy jylyjaı kólemin keńeıtipti. Aldaǵy ýaqytta atamuraǵa alǵan jerinen 50 sotyq jerge jylyjaı jasap, aýyldy kógergenmen qamtamasyz etýge táýekel jasap otyrǵan Nádir Qosanovtyń eńbekqorlyǵy basqalarǵa úlgi bolatyn tirlik ekenin aýdan basshysy atap kórsetti.