Ońtústik Qazaqstan oblysynyń omartashylary jylyna 100 tonna bal óndiredi, aımaq boıynsha omartashylyqpen aınalysatyn 1200 shaǵyn, orta jáne iri kompanıalar bar, dep habarlady oblystyq ákimdiktiń baspasóz qyzmeti.
Olar jylyna 100 tonna bal óndiredi. Omartashylyqty damytý úshin memleket qarjylyq qoldaý kórsetip jatyr. Bıylǵy jyly 3 myń uıashyqqa 9570,0 myń teńgeden qarjy bólý josparlanǵan. Qarjylyq qoldaýdy «Yrys» mıkroqarjylyq ortalyǵy da júzege asyrýda, olar «Ekomed» JSHS-ny qarjylandyrdy. Kompanıa tómendetilgen jyldyq mólsherlememen 5 mıllıon teńge nesıe aldy. Bul qarajatqa 480 dana ara uıashyqtary alyndy. Olardyń árqaısysyna jylyna 25-30 keli bal jınalady.
Odan bólek, bıyl «Ekomed» kásiporyny Aýstrıa men Ýkraınadan asyl tuqymdy karpat bal aralaryn ákeldi. Olar eńbekqorlyǵymen jáne tez jersinýimen erekshelenedi. Kompanıa óz ónimderin Qazaqstannyń soltústik jáne ońtústik oblystaryna jáne Reseıdiń keı aımaqtaryna eksporttaıdy.
