Ońtústik Qazaqstan oblysyna jumys sapary aıasynda Kárim Másimov «PetroQazaqstan Oıl Prodakts» JSHS-ne bardy.
Qazaqstannyń munaı óńdeý zaýyttaryn jańǵyrtýdyń úkimettik baǵdarlamasyna engen aýqymdy jobany júzege asyrý barysy týraly Premer-Mınıstrge kásiporyn prezıdenti S. Shı men birinshi vıse-prezıdenti A. Turysbekov baıandady, - dep jazady Pm.kz.
«Shymkent munaı óńdeý zaýytyn jańǵyrtý jáne jóndeý» jobasy 2011 jyly bastaldy, barlyq jumystardy 2017 jyldyń sońynda aıaqtaý josparlanǵan.
2016 jyldyń qańtar-mamyrynda SHMÓZ óndirgen ónim kólemi aqshalaı mánde 22 mlrd teńgeden asty. Jańǵyrtýdan keıin K5 ekologıalyq klastyń (EAEO elderindegi Eýro-5 balamasy) talaptaryna sáıkes zaýyt joǵary oktandy benzın shyǵarady. Zaýyttaǵy óńdeý qýattylyǵy 90%-ǵa deıin tazartý tereńdigimen shıki munaı 5,2-den 6 mln tonnaǵa deıin ósedi dep kútilýde.
Búgingi tańda Qazaqstanda úsh MÓZ - Pavlodar, Atyraý jáne Ońtústik Qazaqstan oblystarynda jumys jasaıdy. Degenmen, ishki naryqtyń suranysyn olar qamtı almaıdy.
Otandyq otyn-energetıkalyq naryqty damytý máselelerine Úkimet Elbasynyń tapsyrmasy boıynsha erekshe kóńil bóledi. Óńirlerge jumys sapary barysynda Premer-Mınıstr Pavlodardaǵy jáne Atyraýdaǵy MÓZ-na baryp, Qazaqstan úshin mańyzdy óndiristi jańǵyrtý jáne jóndeý barysymen tanysty. Budan ózge, Atyraýda Kárim Másimov otandyq munaı servısiniń ózekti máseleleri boıynsha keńes ótkizdi. Keńes qorytyndysy boıynsha Premer-Mınıstr eki jumys tobyn qurýdy tapsyrdy, olar bir aılyq merzimde ózekti máselelerdi jınaqtap, olardy sheshýdiń naqty usynystaryn ázirleýleri tıis.
Qazaqstannyń barlyq úsh MÓZ-yn jańǵyrtý 2018 jylǵa qaraı QR avtokólik otyny naryǵynda ımport almastyrýdy qamtamasyz etedi.
Aıta keteıik, Ulttyq ekonomıka mınıstrliginiń málimetinshe, Qazaqstanda 2016 jylǵy qańtar-maýsymda 1,527 mıllıon tonna benzın (2015 jyldyń sáıkes kezeńinen 13,6%-ǵa artyq), 2,370 mıllıon tonna dızel otyny (10,6%-ǵa ósý), 1,408 mıllıon tonna jaǵylatyn mazýt (13,5%-ǵa tómendeý) óndirildi.
Birinshi jartyjyldyqta Qazaqstan MÓZ aldyńǵy jylǵa qaraǵanda 13,6%-ǵa artyq benzın jáne 10,6%-ǵa artyq dızel óndirdi.
2014 jyly 29,4%-ǵa jáne 2015 jyly 15,8%-ǵa tómendeýden keıin aǵymdaǵy jyldyń birinshi jartysyndaǵy oń trend salaǵa jiger berdi.
