Irakta bútindeı eldi mekenderdi qyryp-joıǵan sodyrlar ólim jazasyna kesildi. Qarýly qaqtyǵys kezinde qolǵa túsken 36 baskeserdi jergilikti bılik jurttyń kózinshe darǵa asty, - dep habarlaıdy Qamshy.kz KTK arnasyna silteme jasap.
DAISH uıymynyń bul jendetteri beıbit turǵyndardan bólek, jaýyngerlerdiń de qanyn sýsha aǵyzǵan. Olar jasaǵan jarylystardan eldiń soltústiginde 1700 sarbaz ólgen bolatyn. Kópten beri ustatpaı júrgen baskeserler aqyry áskerdiń qolyna túsip, Irak bıligi olardy birden ólim jazasyna kesti. Sóıtip, olar Nasırıa túrmesinde darǵa asyldy. Úkimdi oryndaý barysyn lańkesterdiń qolynan qaza tapqandardyń týǵandary da kelip kórdi.
