Keler jyly Polsha azamattaryna Qazaqstanǵa kelý úshin vızasyz tártip engiziledi, - dep habarlaıdy Qamshy.kz 24.kz - ke silteme jasap.
Mundaı ýaǵdalastyqqa qos el kóshbasshysy qol jetkizdi. Nursultan Nazarbaev pen Andjeı Dýda Astana men Varshava arasynda áýe reısin ashý bastamasyn da qoldady. Kelissózderden soń birlesken málimdeme kezinde qatynastardy bekı túsetin úsh qujat qabyldandy. Eki el arasyndaǵy ekonomıkalyq yntymaqtastyq týraly deklorasıa, tulǵalardy readmıssıalaý, aýyl sharýashylyǵy salasyndaǵy yntymaqtastyq týraly kelisimder. Osylaısha, qos tarap aýyl sharýashylyǵy men ındýstrıalyq jobalardy júzege asyrýdy kúsheıtetin bolady. Memleketter basshylary eki eldiń tranzıttik áleýetin de molynan paıdalaný kerektigin atty.
Nursultan Nazarbaev, Qazaqstan Respýblıkasynyń Prezıdenti:
- Eki eldiń arasynda eki jaqqa da paıdaly kóp nárseler bar. Eń birinshi ol ekonomıkalyq qarym-qatynas. Biz Prezıdent myrzamen saıası máseleler jóninde jeke otyrǵanda áńgimelestik. Odan keıin ekonomıkany talqyladyq. Erteń úlken bıznes forým bolady. Qazaqstannan kelgen 100-den artyq bıznesmender bar. Polsha bıznesmenderi meniń bilýimshe ózara 1 mlrd dollarǵa jetetin ekijaqty ekonomıkalyq qarym-qatynasqa kelisimge qol qoıady dep esepteımiz. Meniń oıymsha, ekonomıka jaǵynan da, saıası jaǵynan da bir birin tolyqtyratyn memleket. Polshadaǵy bar taýarlar Qazaqstanda joq. Qazaqstandaǵy bar taýarlar Polshada joq. Osy ekeýin qosatyn bolsaq eki memleketke de, eki xalyqqa da jumys ornyn beretin jáne ekonomıkany órkendetetin jaǵdaı jasaıdy dep sanaımyz.
Andjeı Dýda, Polsha Respýblıkasynyń Prezıdenti:
- Qazaqstan ınfraqurylymdyq jobalardy kóptep iske asyrýda. Sondyqtan kólik-tranzıt salasyndaǵy yntymaqtastyqqa mán berýmiz kerek. Bul ekonomıkalyq seriktestiktiń keregesin aıtarlyqtaı keńeıtedi. Budan bólek, bizdiń teńizinde eki termınalymyz bar. Ony birlesip padalanýǵa bolady.
