Iraktyń Kırkýk qalasynda jarylǵysh belbeýin taqqan bala ustaldy, - dep habarlaıdy Qamshy.kz 24.kz - ke silteme jasap.
Ǵalamtorda jarıalanǵan beınejazbada kóshe ortasynda turǵan 12-13 jastaǵy jasóspirimdi kórýge bolady. Bombany jaryp jibermes úshin polıseıler onyń qolyn ustap tur. Belbeýdi sheshkennen keıin, tártip saqshylary ony qaýipsiz jerge aparyp, jaryp jibergen.
Irak pen Levant lańkestik uıymy sońǵy kezde jankeshti retinde balalar men jasóspirimderdi jıi paıdalana bastady. Eresek adamdarǵa qaraǵanda olar kúdik týǵyzbaıdy. Bul bala Túrkıadaǵy Gazıantep qalasyndaǵy toıda bolǵan jarylystan keıin birneshe saǵat ótisimen ustalǵan.
