Búgin Astana qalasy №2 Esil aýdandyq sotynda aıyptalýshy Seıitqazy Mataev pen Áset Mataevqa qatysty basty sot talqylaýy bastaldy. İsti sýdıa Aqbolat Qurmantaev qarap jatyr, - dep habarlaıdy Qamshy.kz QazAqparatqa silteme jasap.

Aıyptalýshylardyń múddesin úsh qorǵaýshy, ıaǵnı Andreı Petrov, Mádına Bakıeva jáne Serikqalı Mýsın qorǵaýda.

Esteńizge sala keteıik, Qazaqstan Jýrnalıser odaǵynyń tóraǵasy Seıitqazy Mataev 2016 jylǵy 22 aqpanda Almaty qalasy boıynsha sybaılas jemqorlyqqa qarsy is-qımyl ulttyq búro qyzmetkerlerimen ustalǵan bolatyn. Oǵan qatysty salyq tóleýden jaltarý men búdjet qarjysyn jymqyrý aıyptary taǵylyp otyr.

Eske sala keteıik, 2016 jyldyń 24 aqpan kúni sot qaýlysy boıynsha Seıitqazy Mataev úı qamaqqa alynǵan. 2016 jyly 21 shildede Almaty prokýratýrasy kúdikti S. Mataevtyń isin Astana qalasynyń №2 Esil aýdandyq sotyna joldady.

Aǵymdaǵy jyly 27 shildede sot Seıitqazy Mataevtyń úıqamaqta bolý merzimin eki aıǵa - 22 qyrkúıekke deıin uzartty.

Atap aıtqanda, sot otyrysy ashyq tártipte ótip jatyr. Osy rette BAQ ókilderi arnaıy zalda sot otyrysyn ekran arqyly tikeleı kórip otyr.