Almatyda Ulttyq baspasóz klýby ǵımaraty súrilip jatyr, - dep habarlaıdy Qamshy.kz Tengrinews.kz - ke silteme jasap.

Osyǵan deıin, birinshi ınstansıadaǵy sottyń sheshimimen Ulttyq baspasóz klýby jáne "QazTAG" HAA ornalasqan ǵımarattyń 3 jáne 4 qabattary seısmıkalyq qaýipti dep tanylǵan. 

Sot oryndaýshy Arnur Baqytbergenniń aıtýynsha, súrilý týraly sot sheshimi zańdy kúshine engen. Baqytbergen Ulttyq baspasóz klýbyna óz erkimen súrýine bir aı ýaqyt berilgen, alaıda olar súrý jumystaryn bastamaǵanyn aıtty. "30 maýsymda bizge óz erkimen súrý týraly qujat kelip tústi, sodan keıin olar óz erkimen buzatynyn aıtty. Taǵy da ýaqyt surady. Qazirgi kezde kúshtep súrý jumystary júrgizilip jatyr. Olarǵa eki aı merzim berildi", - dedi sot oryndaýshy. Ol arnaıy tehnıkanyń tartylmaǵanyn jáne ázirge jumystar adam qolymen júrgizilip jatqanyn aıtty. Sondaı-aq, sot oryndaýshynyń aıtýynsha, súrilip bolǵannan keıin ǵımarattyń ıesine júrgizilgen jumystar úshin esep-shot tabystalady eken.

Óz kezeginde, Ulttyq baspasóz klýbynyń ókili Asqar Mataevtyń aıtýynsha olar súrilý jumystaryna daıyn bolǵan. "Qazirgi kezde ǵımarat bos tur. Biz bul sheshimge daıyn bolǵanbyz, sondyqtan barlyq zattardy basqa jerlerge kóshirdik. (...) Sot sheshimi bar. Negizinde ǵımarattyń salynýy týraly barlyq qujattar bar. Sot sheshim shyǵardy, alaıda barlyq qujattar rettelgen jáne zańdastyrylǵan. Birinshi jáne ekinshi qabattar 50-shi jyldary salynǵan, 2006 jyly jóndeýden ótken. Muny seısmo qaýipti dep sanaıdy. Biz qazirgi kezde osy istiń qaıta qaralýy úshin Joǵary sotqa shaǵymdandyq", - dedi Mataev.