20 tamyzda Dúnıejúzilik gýmanıtarlyq kómek kúniniń qurmetine İle Alataýyndaǵy Fýrmanov shyńyna (3053 metr) shapshań júgirip shyǵýdan jarys ótkizildi, - dep habarlaıdy Qamshy.kz.
Medeý mańyndaǵy Kim Asar shatqalynan bastalǵan sporttyq jarysqa 200 adam qatysty. Onyń 45-i kásibı sportshy bolsa, qalǵandary áýesqoılar. Sharany uıymdastyrýǵa Biriken Ulttar Uıymynyń Kavkaz, Orta Azıa elderi jáne Ýkraına jónindegi gýmanıtarlyq máselelerdi úılestirý basqarmasy, QR Skaırannıng federasıasy, QR Qyzyl jarty aı qoǵamy jáne Almaty qalasy Tótenshe jaǵdaılar jónindegi departamenti atsalysty.
Jarys qorytyndysy boıynsha qatysýshylarǵa sertıfıkattar tapsyrylyp, kásibı skaırannıng sheberleri men kásipqoılar jas kategorıasy boıynsha jeke-jeke marapattaldy.
Jarys sońynda Almaty qalasy Tótenshe jaǵdaıdar departamentiniń mamandary men Qutqarý qyzmetiniń ókilderi qatysýshylar arasynda alǵashqy kómek kórsetý boıynsha trenıń ótkizdi. Sondaı-aq Almaty qalasy Tótenshe jaǵdaılar departamentiniń qutqarýǵa arnalǵan arnaıy tehnıkasynyń tanystyrylymy boldy.
Almaty qalasy turǵyndary men qonaqtary arasynda salaýatty ómir saltyn nasıhattaý, tótenshe jaǵdaı oryn alǵan jaǵdaıda qaýipsizdik sharalaryn bilý men alǵashqy kómek kórsetý qabiletin arttyrý maqsatynda ótkizilgen sport jarysyna «Almaty Begemot» Gippo kompanıasy demeýshilik jasady.
Dúnıejúzilik gýmanıtarlyq kómek kúni BUU-nyń Bas assambleıasynyń bastamasymen 2008 jyly jarıalanǵan. Jyl saıyn 19 tamyzda atalyp ótiletin bul kúni álem qaýymdastyǵy kásibı mindetin atqarý barysynda qaza tapqandardy eske alyp, muqtaj jandarǵa kómek kórsetkenderge alǵys aıtady. Bul kún, sondaı-aq qyryqtan astam memlekettegi mıllıondaǵan ash adamdardy, naýqastar men zorlyq-zombylyqtan japa shegýshilerdi eske túsiretin kún retinde de belgili.
Sharafat Jylqybaeva
