Aqtaýda 6 jasar qyzdy zorlady degen kúdikti túsirilgen vıdeo jarıa boldy, - dep habarlaıdy Qamshy.kz Tengrinews.kz – ke silteme jasap.
Kúdikti túsirilgen vıdeo WhatsApp messendjerinde taralyp jatyr. Vıdeoda er adamnyń №1 yqshamaýdandaǵy "Ivanych" dúkenine kirgeni kórinedi, osy ýaqytta dúkennen zorlanǵan 6 jasar qyz shyǵady. Er adam keri qaıtyp, qyzdyń sońynan júredi.
Soǵan qaraǵanda polıseıler osy dúkende ornatylǵan vıdeobaqylaý kamerasyna jazylyp qalǵan vıdeony telefonǵa túsirip alǵan. İİD ókilderi osy vıdeony barynsha kóp taratýdy surap otyr.
Eske salaıyq, oqıǵa 20 tamyzda Aqtaý qalasynda bolǵan. Túske deıingi ýaqytta ájesi 6 jasar nemeresimen №1 yqshamaýdandaǵy jumysyna kelgen. Nemeresine qaraýǵa ýaqyty bolmaǵan ájesi balasyna telefon soǵyp, qyzyn alyp ketýin surapty. Birshama ýaqyt ótkennen keıin áıel óz nemeresiniń joq ekenin baıqaıdy. Bastapqyda ol nemeresin ákesi alyp ketti eken dep oılaıdy. Alaıda telefon soǵyp, qyzdyń ákesiniń kelmegenin bilgen ol nemeresin ózi izdeı bastaıdy. Joǵalǵan qyzdyń týystary ony bastapqyda ózderi izdegen. Arada 2,5 saǵat ótkennen keıin olar polısıaǵa habar bergen. Joǵalǵan qyzdy izdestirýge Mańǵystaý oblystyq ishki ister departamentiniń jeke quramy túgeldeı jumylǵan.
Polısıadaǵylar qyzdyń sol kúni 17.30 shamasynda tabylǵanyn habarlapty. Qyzdyń jaǵdaıy aýyr bolǵan, kóp qan joǵaltqan, kún ótip ketken. Tártip saqshylary ony "Nur Plaza" jaǵalaýyna qarama-qarsy saıajaıdan tapqan. Qyz balalar aýrýhanasynyń jansaqtaý bólimine jatqyzyldy. Osy ýaqytta polıseıler birneshe kúdiktini izin sýytpaı ustaǵan. Polısıanyń málimetinshe, qazirgi ýaqytta ustalǵandardyń bul qylmysqa qatysy bar-joǵyn anyqtaý úshin sot-medısınalyq saraptama júrgizilip jatyr. Al keıin polıseıler 6 jasar qyzdy zorlaǵan adamdy izdestirýge kómek surap, kúdiktiniń baǵyttamasyn taratty. Osy derekke "Zorlaý" baby boıynsha qylmystyq istiń qozǵalǵany belgili.
