Jaýshyqum aýyly ózine alys-jaqyn aýyldarǵa sońǵy birneshe jyldyń kóleminde bitik jýasymen tanylyp keledi. Golandıalyq tásilmen egetin pıaz alqabyndaǵy basty erekshelik – qol kúshiniń barlyǵy tehnıkamen almastyrylǵan. Sharýalar aramshópti otaý, pıazdy qolmen jegene jasaý sıaqty mashaqattardan birjola qutyldy.

Seıdýlla Domatov jetekshilik etetin «Turar» sharýa qojalyǵy bıyl 30 gektar jerge pıaz egip, qazirgi tańda ónim jınaýmen aınalysyp jatyr. Dıqandardyń kóńilderi kóterińki, óıtkeni gektar túsimi 850 sentnerden aınalyp otyr. Endi she, ár gektardan 85 tonnadan ónim alý degenińiz – óte joǵary kórsetkish.

Jaýshyqumnyń jýasy qazirgi tańda Astana, Aqtóbe, Almaty qalalaryna tasymaldanyp, saýdaǵa shyǵarylyp jatyr. Al, aýdan basshylarynyń uıymdastyrýymen aýylda arnaıy beket ashylyp, jergilikti turǵyndarǵa ár kelisi 50 teńgeden pıaz taratylýda. Pıazdyń bazardaǵy baǵasy 80 teńgeden ekenin eskersek, arnaıy bekettegi arzan baǵa halyqtyń qaltasyna jeńil ekeni aıtpasa da túsinikti.