Ótken aptadaǵy eń joıqyn terorızm oqıǵasy Túrkıanyń Gazıantepe qalasynda ótkeni belgili. Búginge deıin birde bir uıym óz moıyna almaǵan  bul jarylystan 54 adam qaza boldy, - dep habarlaıdy Qamshy.kz.

Aýrýhanaǵa túskenderdiń 20-dan astamynyń haly múshkil kórinedi.

Bomba toıdyń qyzǵan sátinde iske qosylǵan. Kýágerlerdiń aıtýynsha, jarylys kezinde adamdardyń denesi júzdegen metrge deıin ushyp ketken. "Oqıǵa ornyna kelgenimizde  bári qanǵa boıalyp jatty. Bireýdiń qoly joq, bireýdiń aıaǵy joq. Ne bolǵanyn birden túsine almadyq, ne isteý keregin de" deıdi, Iýksel Boıla esimdi turǵyn. Keıin belgili bolǵandaı jarylysty jasóspirim qyz jasaǵan.

El Prezıdenti Redjep Erdoǵan toı kezindegi sumdyq terrorlyq oqıǵadan júzge jýyq adamnyń jaralanǵanyn, elýden astam adamnyń qurban bolǵanyn málimdedi.

Kýágerlerdiń aıtýynsha, jas terrorıst qonaqtardyń syrtqa meılinshe kóp shyǵýyn kútip turyp, bombany qosqandyǵyn aıtady. Gazıantepe turǵyndary bul oqıǵanyń basynda turǵandardy taýyp jazalaýdy talap etýde.

"Jas bala bulaısha ózdiginen áreket ete almaıdy. Buny uıymdastyrýǵa kóp ýaqyt ketedi. Biz osyndaı oqıǵalardyń aldyn alý úshin úkimetpen yntymaqtasýǵa ázirmiz" dedi, opozısıalyq partıa jetekshisi Selahatın Demırtash.

Jyl basynan beri Túrkıada 23 terrorlyq oqıǵa oryn alyp, 400-den astam adamnyń ómirin qıdy. Terorlyq áreketterdiń basym bóligin «Islam memleketi» uıymdastyrǵan.