Myrzashólge at basyn tiregen oblystyń BAQ ókilderi egistik alqaptardy aralap, dıqandardyń bıylǵy jyl barysyndaǵy jumystarymen tanysty,-dep habarlaıdy Qamshy.kz.    

Jýrnalıser qaýymy aldymen Joldasbaı Eralıev atyndaǵy aýyl okrýgine keldi. Atalmysh okrýg ákimi Q.Aqyshev búginde aýdanda óndirilgen 128700 tonna qaýyn-qarbyzdyń 57300 tonnasy osy okrýg dıqandarynyń úlesinde ekenin maqtanyshpen áńgimelep berdi. Jýrnalıserdi jańa ınovasıalyq tehnologıamen baq ósirip otyrǵan «Aqbota» sharýa qojalyǵyna ózi bastap keldi.

Munda Ońtústik Qazaqstan oblysy Maqtaaral aýdanynyń ákimi Jamantaı Beısenbaev baqsha ósirýshilerdiń eńbegin keńinen baıandady. Ákimniń aıtynsha, aýdan dıóandary bıylǵy jyly da mol tabysqa ıe bolǵan. Qojalyq agronomy Sultan Joldasbaev baqtyń 12 gektarynda almanyń «Gala», «Goldendelıshes» sorttary, 8 gektarynda júzimniń «Vıktorıa», «Sýltanına», «Mýskat» sorttary ósirilip jatqanyn aıtty.

Taǵy bir aıta keterligi, Ońtústik Qazaqstan oblysyna qarasty maqtaral aýdanynyń sharýalarynyń eibekteri bıyl da jemisti bolyp otyr. Ásirese, baqsha ósirýshiler jyldan jylǵa tabysqa kenelýde. Bul taza eńbektiń tátti jemisi deıdi maqtaaraldyq baqtashylar.

Baǵban Sultan Joldasbaevtyń aıtýynsha, «Vıktorıa» sortty júzimniń bir butaǵy 1,5-4 keli, túbi 15 kelige deıin ónim beredi.
Búginde aýdanda óndirilgen 128700 tonna qaýyn-qarbyzdyń 57300 tonnasy osy okrýg dıqandarynyń úlesinde eken. Aýdannyń ekonoımkasyna aıtarlyqtaı úles qosyp otyrǵan dıqandar bul joly da eńbekteriniń esh ketpegenine dán rıza.