Vıse-premer Darıǵa Nazarbaeva Túrkistan qalasyna jasaǵan sapary barysynda OQO turǵyndary halyq sanynyń kóbeıýine belsendi kirisip ketkeni sonshalyq, memleket balabaqsha men mektepter salyp úlgere almaı jatqanyn aıtty, - dep habarlaıdy Qamshy.kz NUR.KZ – ke silteme jasap.

Úkimet basshysy Kárim Másimov bastaǵan top Q.A.Iacsaýı atyndaǵy Halyqaralyq qazaq-túrik ýnıversıtetinde bilim salasyna qatysty jıyn ótkizdi. Jıynǵa jergilikti depýtattar men zıaly qaýym ókilderi, bilim salasynyń qyzmetkerleri qatysty.

Basqosýda qatysýshylar bilim salasyndaǵy túrli problemalardy kóterdi. Biri sabannan salynǵan mektepterge alańdaýshylyq tanytsa, kelesisi úsh aýysymdyq bilim uıalarynyń jaǵdaıy mazalaıtynyn jetkizdi.

Belgili bolǵandaı, búginde Ońtústik Qazaqstanda 1022 mektep bar. Onyń 700-tıptik, 300-den astamy yńǵaılastyrylǵan jáne sabannan salynǵan bilim uıalary. Oblys ákimi Beıbit Atamqulovtyń sózine sensek, aldaǵy úsh jylda bul másele oń sheshimin tabady. Aıta keteıik, jańa oqý jylynda ońtústikte 25 mektep paıdalanýǵa berilmek.

Jıynǵa qatysýshylar úsh tildilik pen sýısıd jaıyna da nazar saldy. Aıtýlarynsha, jyl basynan beri aımaqta 49 mektep oqýshysy men jastar sýısıdke barǵan. Jastardyń óz-ózine qol jumsaýyna qatysty pikir bildirgen Darıǵa Nazarbaeva barlyq jaýapkershilikti úkimetke jaýyp qoıa salý durys emes dep sanaıdy.

«Sýısıd dep kettińizder. Barlyq jaýapkershilikti úkimetke jabýǵa bolmaıdy? Otbasy qaıda? Balalar úıde turady, áke-shesheleri, baýyrlary bar. «Ómirde ne qyzyqtyryp júr?» dep nege sondaı suraqtardy qoımaısyzdar? Muǵalimder qaısysyna jetedi? Ata-ana úlken jumys jasaý kerek» degen vıse-premer qazaqta «kórshiniń balasy» dep salystyratyn ata-analardyń ol áreketi teris tárbıe beretinin de jasyrmady. Al mektep pen balabaqsha tapshylyǵyna qatysty oıyn jetkizgen Darıǵa Nazarbaeva el demografıasynyń artýyna ońtústikqazaqstandyqtardyń erekshe úles qosyp otyrǵany sonshalyq nátıjesinde memleket mektep men balabaqsha salyp úlgere almaı jatqanyn da aıtyp qaldy.

Budan ózge Nazarbaeva Q.Iassaýı kesenesinde bolǵanyn jáne ondaǵy tarıh týraly málimetterdiń tek qazaq tilinde jazylǵanyn synǵa aldy.

«Biz Q.A.Iassaýı kesenesinde boldyq. Onda barlyq jaqtan týrıser keledi. Osy kesenelerdiń tarıhy bar jerde qarasańyzdar tek qazaq tilinde jazylǵan. Nege? Munda orystar, sheteldik týrıser kelmesin deısizder me? Durys emes ol», – dep oıyn jetkizgen vıse-premer úsh tildi meńgerý el abyroıyn sheteldikter aldynda asqaqtatyp jiberedi degen senimde.