Sońǵy 4-5 jyldan beri Maqtaaral aýdanynda ártaraptandyrýdy basty negizge alǵan dıqandar baqsha ónimderin ósirýge úlken qulshynyspen kirisken. Aýdanda bıyl 23646,2 gektarǵa qaýyn-qarbyz egilip, odan 18 shildege deıin 54795,0 tonna qaýyn, 73905,0 tonna qarbyz jınalǵan.

Búginde onyń 60-70 paıyzy Reseıdiń Máskeý, Sankt-Peterbýrg, Soltústik, Sibir qalalaryna, Belorýssıa, Germanıa, Polsha, Fransıa elderine eksporttaldy. Sonymen qatar, Astana, Almaty jáne elimizdiń ózge de aımaqtaryna baqsha, kókónis ónimderin jóneltken dıqandar jyldan-jylǵa tájirıbe arttyrýda. Qaýyn-qarbyz, qyzanaq, baklajan, bolgar buryshy, t.b. ónimderdiń baǵasy bıyl joǵary bolyp, sharýalardyń aıy ońynan týyp tur. Máselen, bastapqyda qaýynnyń kelisi 374 teńgeden baǵalansa, búginde 80-100 teńge aralyǵynda saýdalanýda. Al, qarbyzdyń kelisi alǵashqyda 120-140 teńgeden, búginde 20-30 teńgeden satylýda.

Bıyl 17225 gektarǵa egilgen qaýynnyń ózinen orta eseppen kem degende 350 myń tonna ónim alynady degen boljam bar. Búginge deıin maqtaaraldyqtar baqsha daqylynan 5 mlrd. teńgeden astam tabys túsirdi.