Dúnıejúzilik Jastar kúnine oraı búgin Almaty shaharynda Qazaqstan Respýblıkasy Tuńǵysh Prezıdenti — Elbasy Qorynyń úlken májilis zalynda turaqty damý jónindegi jastardyń tuńǵysh halyqaralyq foýrmy bastaldy, - dep habarlaıdy Qamshy.kz.

Qazaqstan, Chehıa, Qyrǵyz Respýblıkasy, t.b. memleketterdiń ókilderi qatysqan alqaly jıynda jahandyq damýǵa baǵyttalǵan irgeli jobalardyń tanystyrylymy boldy.

 Jıynnyń ashylýynda sóz sóılegen BUU-nyń aqparattyq búrosynyń basshysy Vlastımıl Samek jastardyń halyqaralyq aýqymdy jobalardy júzege asyrýdaǵy róline toqtaldy. Almaty qalasy Jastar saıasaty máseleleri jónindegi basqarma basshysy Elnur Beısenbaev qala kóleminde júzege asyp jatqan baǵadarlamalar týraly baıandady.

IýNESKO-nyń Almatydaǵy klasterlik búrosynyń basshysy Andreı Shevelev «Bizde jalǵyz ǵana Planeta bar, ol —  Jer shary» degen BUU Bas hatshysy Pan Gı Mýnnyń sózin keltire otyryp, álemdi saqtap qalýda jastardyń basty qozǵaýshy kúsh ekendigin basa kórsetti.

Chehıa Premer mınıstriniń eks-keńesshisi, Aýǵanstan men Iýgoslavıada qarýly qaqtyǵystar kezinde gýmanıtarlyq qyzmetker bolǵan belgili jýrnalıs Matıash Zrno sóz sóılep, Aýǵanstanda ondaǵan jyldar ótse de túıtkildi máselelerdiń sheshilmeý sebepterine toqtaldy. Odan keıin sóz alǵan Almaty qalasy ákiminiń ınovasıalar men ýrbanıstıka jónindegi keńesshisi Áset Abýalıev  shahardy damytý maqsatynda júzege asyrylyp jatqan IT jobalardy toqtaldy.

Aýyl sharýashylyǵy, ındýstrıalandyrý, kólik jáne komýnıkasıa, azyq-túlik qaýipsizdigi, t.b. baǵyttar boıynsha talqylaýlar ótken forýmda Arsen Rysdaýletov, Rınat Týhvatshın, Jana Baıtelova, Bakyt Hanıev, Erzat Korganov, Temırlan Zýbaıraev, Aım Orysbaeva, Akbota Nýralım, t.b.joba jetekshileri óz ıdeıalaryn ortaǵa saldy. Forým jumysy seksıalar boıynsha jalǵasyn tabýda.

Sharafat Jylqybaeva