Golovıkn men Sápıevtiń qolǵaby, Balandınniń fýtbolkasy qymbat baǵaǵa satyldy, - de habarlaıdy Qamshy.kz Bnews.kz - ke silteme jasap.
«Asyl Mıras» qaıyrymdylyq qorynyń, Qazaqstan tenıs federasıasy men tanymal qazaqstandyq jáne sheteldik kompanıalardyń toptamalary shyǵarylǵan qaıyrymdylyq aýksıony barysynda belgili sportshylardyń bylǵary qolǵaptary 10 mln teńgege jýyq qarjy ákeldi. Serik Sápıevtiń qolǵaby 1 mln 950 teńgege, al Gennadıı Golovkınniń qolǵaby 8 mln teńgege satyldy.
Sonymen qatar, júzýden Olımpıada chempıony Dmıtrıı Balandınniń fýtbolkasy 1 mln 450 myń teńgege baǵalandy.
Aıta keteıik, bıylǵy qaıyrymdylyq velojarysy Shýche-Býrabaı kýrort aımaǵynda ótti. Dástúr boıynsha aksıaǵa Olımpıada chempıony, Astana pro Team» komandasynyń bas menedjeri Aleksandr Vınokýrov basshylyq etti. Jınalǵan qarjy Aqmola oblysynda bronh-ókpe aýrýlarymen aýyratyn balalarǵa kómek retinde beriledi. 2016 jyly joba aıasynda 20 mıllıon teńge jınaý josparlanyp otyr. Bul qarjy balalardyń ómirin qutqaryp qalýǵa, ólim-jitimdi azaıtýǵa sep bolady. +
Sondaı-aq jınalǵan qarjynyń bir bóligi Qyzylorda oblysy ortalyǵynan shalǵaıda ornalasqan Aral aýdandyq ortalyq aýrýhanasyndaǵy shala týǵan balalardy kólikpen qamtamasyz etýge jumsalady.
