«Elimizdegi bankter men qarjylyq toptar ulttyq qundylyqtarǵa pysqyryp qaramaıdy». Táýelsizdiktiń 25 jylynda qarapaıym qazaq jurtynda osyndaı túsinik qalyptasqan. Asyly memleketqurýshy ulttyń tarıhı qundylyqtary men salt-dástúrin nasıhattaý – ár eldiń jazylmaǵan zańy bolsa kerek-ti. Degenmen sońǵy kezderi Qazaq elindegi qarjylyq uıymdar Uly daladaǵy rýhanı baılyqqa da nazar aýdara bastady. Sonyń biri – Sberbank. Keshe ǵana Almaty irgesinde ótkizilgen «Uly dala rýhy» atty I Halyqaralyq festıváldiń resmı seriktesi retinde Sberbank kóptegen ıgi sharanyń uıymdastyrýshysy boldy.
Qazaqstan Respýblıkasynyń 25 jyldyǵy men Almaty qalasynyń 1000 jyldyǵyna oraı uıymdastyrylǵan sharaǵa 10 elden: atap aıtqanda Vengrıa, Golandıa, Germanıa, Túrkıa, Qytaı, Koreıa, Ýkraına, Reseı jáne Qyrǵyzstan elderinen 9000-ǵa jýyq qonaq shaqyrylǵan.
«Uly dala rýhy» atty I Halyqaralyq festıváldiń resmı seriktesi retinde "Sberbank" kóptegen ıgi sharanyń uıymdastyrýshysy boldy.
"Sberbank" atalǵan is-sharada «Naǵyz kóshpendi alqabyn» uıymdastyrdy. Bul alqapty qyzyqtaýshylar baýyrsaq daıyndaý boıynsha sheberlik klasyna qatysty.
"Sberbank" qurylǵaly jaqsylyq jasaý men qaıyrymdylyq jasaýdy birinshi orynǵa qoıyp keledi. Onyń birden bir dáleli keshegi «Uly dala rýhy» festıvaline oblystyq balalar úıiniń tárbıelenýshilerin qatystyryp, olardyń qolónerlerinen jármeńke jasady. Balalarǵa arnalǵan oıyndar men táttiler de boldy.
- Biz myna jerge kelgenimizge óte qýanyshtymyz. Jaılaýda júrgendeı sezindim ózimdi. Kıiz úı, altybaqan, baýyrsaq.. bári kúshti. Men bul festıválge ózim salǵan sýretti alyp keldim. Búgin men úshin keremet demalys boldy, - deıdi №1 oblystyq balalar úıiniń tárbıelenýshisi Tomırıs.
"Uly dala rýhy" festıváline Almaty qalasynyń ákimi Baýyrjan Baıbek myrza qatysty.
- Biz qalalyq ákimdiktiń Táýelsizdiktiń 25 jyldyǵy men Almaty qalasynyń 1000 jyldyǵyna arnalǵan bul sharasyn qýana qabyldadyq. "Sberbank" bilim-ǵylymdy, mádenıet pen sportty damytýǵa, jaqsylyq jasaýǵa arnalǵan sharalarǵa árdaıym belsene kirisedi. Biz munda "Sberbanktyń" bankomatyn qoıdyq. Óıtkeni bul jyl biz úshin de mereıli jyl. Bizge bıyl 175 jyl tolyp otyr. Osy oraıda bizdiń bank ózi jumys jasaıtyn eldiń ulttyq qundylyqtarynada beıjaı qaraı almaıtynyn dáleldedi. Aldaǵy kúnde Bank basshylyǵy qazaqtildi BAQ-qa memlekettik tilde suhbat berýge ázir ekenin de qýana jetkizgim keledi, - deıdi Sberbanktyń Marketıń jáne PR bóliminiń dırektory Olegjan Beketaev.
