Nursultan Nazarbaev BBC, Euronews, CNBC Arabia, «Rossıa 24» telearnalary ókilderimen áńgimelesý barysynda Qazaqstannyń ıadrolyq qarýdy taratpaý jáne qarýsyzdaný salasynda jumsaǵan kúsh-jigerine, sondaı-aq konferensıa kezinde usynǵan bastamalaryna qatysty saýaldarǵa jaýap berdi, - dep habarlaıdy Qamshy.kz Aqordanyń baspasóz qyzmetine silteme jasap.

Atap aıtqanda, Elbasy Semeı ıadrolyq synaq polıgonynyń jabylý tarıhy týraly áńgimelep, ıadrolyq qarýdan azat álemge qol jetkizýdiń perspektıvalaryna jáne osy saladaǵy syn-qaterlerdi eńserýge qatysty óz kózqarasyn bildirdi.

Sonymen qatar, Qazaqstan Prezıdenti ıadrolyq qarýdan azat aımaq qurý jónindegi óz tájirıbesin ortaǵa salyp, aldaǵy qarashada ótetin Astana beıbitshilik samıti men Iadrolyq qarýsyzdaný úshin beriletin syılyqty taǵaıyndaý jónindegi bastamanyń jaı-japsary týraly aıtyp berdi.