Aqtóbeniń kóshelerinde «Allahý Akbar» degen jazýlar qaptap ketti. Oǵan qosa sýyq qarýdyń salynǵan sýretimen birge "Alla ulyq", "Alla bizben birge" degen sózder ár úıdiń qabyrǵalaryna jazylǵan. Halyqpen birge bul jaǵdaıǵa ımamdar da alańdap otyr,-dep habarlaıdy Qamshy.kz 31-arnaǵa silteme jasap.

Aqtóbede "Allahý Akbar" degen uranmen jazýlar paıda bola bastady. Ásirese qalamyzdaǵy Shanhaı aýdanyndaǵy ár úıdiń buryshynan "Alla ulyq", "Alla bar" jáne "Alla qashanda bizben birge" degen kórýge bolady. Oǵan qosa qastaryna myltyqtyń sýretterin taǵy salǵan. Solardyń biri mine myna jer.

Birneshe teraktti bastan ótkergen aqtóbelik turǵyndar da úı mańyndaǵy jazýlardy kórgende záremiz qalmaıdy, tipti oıyn alańdaryna bala jiberýden qorqamyz,- deıdi.

- Neshe túrli adamdar bar ǵoı qazir, búrkegeni bar, búrkemegeni bar, solardan qorqamyz. Balanyń artynan eki adam júredi.

Bul jazýlardy kim, ne úshin jazǵany ázirshe jumbaq. Jaǵdaı ımamdardy da alańdatyp otyr. "Allahý Akbar" degen jazýda turǵan eshteńe joq, al sýyq qarýdan qorqýǵa bolady, bul jaqsy nyshan emes deıdi,- din tanýshylar.

Nurlybek Shakızadauly, Dintanýshy:

- Keıbir bilimsiz baýyrlarymyz sol jerge qyzyq kórip nemese ishindegi jańaǵy emosıasyn ishindegi sezimin halyqpen bóliskesi kelip, sol jerge jazýy múmkin. Biraq meniń ýaıymdap turǵan nársem, bul jerdegi durys emes nárse Allahý Akbar degen sózdiń qasynda qarýdyń turýy. Bul jaqsy belgi emes.

Biraq bizdiń túsirilim toby barǵansha jazýlardyń ústi boıaýmen syrlanyp tastalypty. Polısıa qyzmetkerleri ertemen kelip, jazýdy óshirýdi tapsyrypty.

Al, turǵyndarǵa jazýdy óshirýge tapsyrma bergen tártip saqshylary bul jaǵdaı jóninde  bizge jaýap  berýden bas tartty.