Prezıdent Nursultan Nazarbaev qazaqstandyqtardy Konstıtýsıa kúnimen quttyqtady, - dep habarlaıdy Qamshy.kz Aqordanyń baspasóz qyzmetine silteme jasap.

Memleket basshysy qazaqstandyqtardy Konstıtýsıa kúnimen quttyqtap, onyń talaptaryn múltiksiz oryndaý, rýhyn berik ustaný elimizdiń tabysty damýynyń basty qaınar kózi men kepili bolyp sanalatynyn atap ótti.

Qazaqstan Prezıdenti Negizgi zańnyń normalarynyń arqasynda ekonomıkalyq ósimdi, halyqtyń ál-aýqatynyń artýyn, halyqaralyq arenada respýblıka bedeliniń joǵarylaýyn qamtamasyz etken tereń reformalar júrgizilgenine toqtaldy.

Nursultan Nazarbaev atap ótkendeı, Konstıtýsıada belgilengen qazaqstandyq qundylyqtar «Máńgilik El» patrıottyq aktisinde kórinis tapty.

Memleket basshysy barsha qazaqstandyqtarǵa baq-bereke tilep, qoǵam men memlekettiń ortaq kúsh-jigeriniń Konstıtýsıa áleýetin jan-jaqty ashýǵa baǵyttalǵanyn atap ótti.