Qaraǵandy oblysynda sibir jarasyn juqtyrdy degen kúdikpen taǵy bir adam aýrýhanaǵa tústi, - dep habarlaıdy Qamshy.kz 24.kz - ke silteme jasap.
Qazir ol Balqash qalasyndaǵy aýrýhanada jatyr. Buǵan deıin Aqtoǵaı aýdany Úsharal aýylynyń erli-zaıypty eki turǵyny Qaraǵandydaǵy juqpaly aýrýlar aýrýhanasyna jetkizilgen edi. 16 tamyz kúni olar iri qara soıyp, Balqash qalasyndaǵy dúkenderdiń birinezańsyz satqan. Búginde 68 keli et tárkilenip, zertteý jumystary júrgizilip jatyr. Esterińizge sala keteıik, bıyldyń maýsym aıynda Qaraǵandy oblysynyń eki turǵyny sibir jarasynan kóz jumǵan bolatyn.
- Soıylǵan malmen birge bolǵan mal basy tolyq oqshaýlanyp ustalyp otyr. Kúndelikti termometrıa jasalyp otyr. Synamalar maldyń soıylǵan jerindegi topyraqtan alyndy, sıraq terisinen alyndy, tárkilengen etten alyndy. Qazir saraptama jumystary jalǵasýda, - deıdi oblystyq aýmaqtyq veterınarıalyq baqylaý ınspeksıasy basshysynyń orynbasary Marǵazyn Danıar.
