Memlekettik meıramǵa oraı óńir boıynsha 800-ge jýyq saltanatty shara ótýde. Konstıtýsıa kúnine arnalǵan Óskemen qalasynyń ortalyq alańyndaǵy merekelik sharaǵa on myńǵa jýyq adam jınaldy, - dep habarlaıdy Qamshy.kz.

Oblys ortalyǵyndaǵy saltanatty shara barysynda shyǵysqazaqstandyqtardy Ata Zań merekesimen aımaq basshysy Danıal Ahmetov quttyqtady.

– 1995 jyly tamyzda búkilhalyqtyq referendýmda qabyldanǵan, jańa Konstıtýsıa jańa Qazaqstannyń  eldik irgetasyn  qalady. Osy bir jyldar  ishinde Qazaqstan táýelsiz memleket retinde ornyqty, dúnıe júzinde óziniń laıyqty  ornyn aldy. San ulttyń jeruıyq mekenine aınalǵan qasıetti Otanymyz – Qazaqstan Respýblıkasy gúldenip, órkendeı bersin, – dedi Danıal Ahmetov.

Shara oblystyń kórkem-shyǵarmashylyq uıymdarynyń qatysýymen konserttik baǵdarlamamen jalǵasyn tapty.

Aımaqtyń ár óńirinen kelgen aýdan kásipkerleri jármeńke barysynda ózderiniń aýyl sharýashylyq ónimderin usynsa, oblystyń sportshylary erkin kúres, gir kóterý, qol kúres syndy saıystardan baq synaýda. Sonymen qatar, bul kúni jeńil atletıkadan Óskemen qalasynyń birinshiligi ótýde.

Jalpy, Konstıtýsıa kúnine oraı Shyǵys Qazaqstan oblysynda 800-ge jýyq merekelik shara uıymdastyrylýda.