Batýmı men Sochıden der kezinde keri qaıta alaı qalǵan elimizdiń týrıseri «Skybus» kompanıasymen sottaspaq! Ushaǵynan tehnıkalyq aqaý shyqqan soń, áýe tasymaldaýshysy barlyq reısterin keıinge qaldyrǵan edi. Sonyń kesirinen 300-ge jýyq otandasymyz tórt kúnnen beri kýrortty qaladan elge qaıta almaı jatyr, - dep habarlaıdy Qamshy.kz KTK arnasyna silteme jasap.
Negizi olar ótken jumada elge oralýy tıis edi. Biraq Batýmı men Sochıdiń áýejaılaryn jaǵalap júr. Óıtkeni kez-kelgen ýaqytta elge ushaq shyǵyp qalýy múmkin. Onyń ústine týrıserdi san soqtyrǵan «Skybus» kompanıasy da mán-jaıdy ashyp aıtpaı otyr. Tek otandastarymyzdy elge qaıtarý úshin basqa ushaq jiberipti. Qazir olardyń alǵashqy legi Atyraý men Qaraǵandy áýejaılaryna qonyp úlgerdi. Qalǵandary da búgin túnde úılerine oralýy tıis. Ábden ashýǵa mingen týrıser endi áýe kompanıasyn sotqa bermekshi.
- Tórt kúnimiz zaıa ketti. Teńizdiń jaǵasynda jatsaq ta ózimizdiń josparymyz bar ǵoı. Elde isteıtin jumystar kóp. Sondyqtan áýe kompanıasy shyǵyndy óteýi úshin sottasamyz, - deıdi týrıs Vıtalıı Nesipbaev.
