Qaraǵandyda Chernobyl qaharmandaryna eskertkish ornatyldy. Eskertkishtiń saltanatty ashylý rásimine Qaraǵandy oblysynyń ákimi Nurmuhambet Ábdibekov qatysty, -  dep habarlaıdy Qamshy.kz BNews.kz - ke silteme jasap.

«Búgin qalamyzda Chernobyl Atom Elektr stansıasyndaǵy apatty joıýǵa qatysqandarǵa arnap eskertkish belgi ashyp otyrmyz. Chernobyl aýqymy jaǵynan eń úlken radıasıalyq apat alyp keldi. 30 jyl buryn orny tolmas qaıǵyny bastan keshtik. Sol ýaqytta elimizdegi búkil ulttyń ókilderi bas kóterip, apatty joıýǵa bir kisideı atsalysty. Ýkraına halqyn qutqarý jolynda baýyrlas memlekettiń ókilderi radıasıadan da, onyń saldarynan da qoryqqan joq. Búgin biz olardyń erligine bas ıemiz. Biz, sol qaharmandardyń urpaǵy, baýyrlary olardy maqtan tutamyz, olardyń erligi máńgi jadymyzda jáne biz Uly Otan soǵysynyń ardagerlerin qurmettegendeı olarǵa da qurmet kórsetemiz», - deıdi óńir basshysy.

Aıta keteıik, aqpan aıynda «Oblystyq Chernobyl ardagerler odaǵy» qoǵamdyq birlestiginiń músheleri oblys ákimine habarlasyp, Chernobyl qaharmandaryna eskertkish ornatýǵa ótinish jasaǵan bolatyn. Eskertkishtiń avtory – Igor Bagramov.