"Egemen Qazaqstan" gazeti 1 qyrkúıekten bastap jańa dızaında túrli tústi formatta shyǵa bastaıdy, - dep habarlaıdy Qamshy.kz.

Bul týraly búgin QR Prezıdenti janyndaǵy Ortalyq komýnıkasıalar qyzmetindegi baspasóz jıynynda «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli málimdedi.

-Bir ǵasyrlyq tarıxy bar elimizdiń basty gazeti «Egemen Qazaqstan» sońǵy bir aıdyń ishinde óziniń strategıalyq damý konsepsıasyn jasady. Soǵan sáıkes ózgerister kóp. Aldymen gazettiń logotıpin daıyndadyq. Jańa logotıpte gazettiń ǵasyrlyq tarıxy kórinis tapqan, - deıdi Darhan Qydyráli.

Onyń aıtýynsha, gazettiń jańa meketi sheteldik basylymdardy saralaı otyryp jasalǵan. Gazettiń alǵashqy betindegi «Egemen Qazaqstan» degen ataýdyń qarpinen bastap ózgeriske ushyraǵanyn aıtty.

Basqarma basshysynyń aıtýynsha, elimizdiń bas gazeti bir betin sportqa arnaıtyn bolady.

-Sondaı-aq, ekonomıkalyq taldaýalarǵa, saıası sholýlarǵa, áleýmettik máselelerge, ınfografıkaǵa, fotoreportajǵa kóńil bólýdi josparlap otyrmyz. Qazirgi kezde gazet A2 formatymen shyǵyp júr. Bolashaqta -A2 formatyna kóshýdi oılastyrýdamyz. Bul birden bola qoıatyn sharýa emes. Sebebi, bizdegi baspaxanalardyń múmkindigi ázirge oǵan jete bermeıdi», - deıdi «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli.

Aıta keteıik, bas gazettiń jańa formattaǵy úlgisi aldymen Astana qalasynyń oqyrmandary úshin qoljetimdi bolmaq. Al keler jyldan bastap elimizdiń barlyq óńirine jańa formatpen taraıtyn bolady.