Ózbekstan prezıdenti Islam Kárimovtiń qyzy Lola Kárimova-Telláeva ınstagramdaǵy paraqshasynda otandastaryn Táýelsizdik kúnimen quttyqtady, - dep habarlaıdy Qamshy.kz.

«Barlyq otandastarymdy shyn júrekten Táýelsizdik kúnimen quttyqtaımyn! Ózbekstannyń eńbekqor, sheksiz talantty jáne aqjúrekti halqyna baqyt, molshylyq pen gúldený tileımin. Bizdiń qasıetti jerimizde tek beıbitshilik pen tynyshtyq, Otanymyz san ǵasyr boıy maqtanysh etip kele jatqan túrli ult pen din ókilderi arasynda toleranttylyq pen ózara syılastyq jasaı bersin!», - dep jazady ol.

Sondaı-aq, L. Kárimova-Telááeva qıyn sátte ákesiniń tez aıyǵýyna tilekshi bolǵandarǵa da alǵys bildirdi.

«Men sonymen qatar, Sizderdiń barlyqtaryńyzdy bizdiń Prezıdentimizdiń tezirek aıyǵýyna tilektes bolǵan meıirimdi, shynaıy qoldaýlaryńyz úshin alǵys bildiremin! Bul biz úshin kóp maǵyna beredi jáne men sizderdiń júrekterińizdiń tereńinen shyqqan bul meıirim kúshi onyń aıyǵýyna kómektesetinine senemin. Sizderge kóp raqmet!», - deıdi L. Kárimova-Telláeva.

Esterińizge salsaq, I. Kárimov mıyna qan quıylyp, reanımasıa bóliminde jatyr. Buǵan deıin birqatar aqparat quraldary onyń kóz jumǵany týraly habar taratqan. Resmı Táshken bul aqparattardy joqqa shyǵarǵan joq, rastamady da.