Atalǵan kvartal Tájikstannyń Hýdjand qalasynda ashyldy. Osyǵan oraı, Qazaqstannyń Tájikstandaǵy elshiliginiń bastamasymen qazaqstandyq delegasıa Hýdjand qalasyna baryp qaıtty. Bul bastamaǵa Ońtústik Qazaqstan oblysynyń ákimdigi qoldaý bildirdi, - dep habarlaıdy Qamshy.kz Baq.kz - ke silteme jasap.
Tamyzdyń 25-si kúni ótken merekelik shara barysynda «Shymkent» kvartalynyń resmı ashylý saltanaty ótti. Jańa kvartal Qazaqstan Táýelsizdiginiń 25 jyldyǵyna oraı, sondaı-aq baýyrlas qalaǵa qurmet kórsetý belgisi retinde ashylyp otyr.
«Sapar barysynda Ońtústik Qazaqstan oblysynyń delegasıasy Soǵdy oblysynyń kásipkerlerimen kezdesip, birlesken jobalardy iske asyrý jaıyn talqylady. Taraptar ekijaqty yntamqtastyqty damytýǵa múdelli ekenin jetkizdi», - delingen SİM baspasóz qyzmeti taratqan resmı habarlamada.
