Seniń ǵana

Shýaǵyńdy shashsań kúnim bop,

Shýaǵyńa shomylar edim senseń.

Janymdy uqsań qoshqyl túnim bop,

Syrymdy ashar edim ózińe  senseń.

Silkidim muńdy ózińsiz bolar emes,

Janar aldynan ketpeıdi baıaǵy eles.

Ótken kúnderim ókingenimen kelmes.

Shynaıy

(Sofıa Marsel izimen)

(Aq óleń)

Alysta bolsań,

Jaqynym bolarsyń,

Tileýshim   bolyp.                                                                                                                                                                         

Sofıa Marsel.

Shynaıy,

Álemniń keskinin,

kórseter sózine estiniń,

Shóldegem...

İzdegem...

Shynaıy,

Kóktem jel lebin,

Júrekti terbep sezim,

Der jandy,

 jasqanbaı sezin,

izdegem, kúnde men.

Tilekten munara turǵyzyp,

Júregime jan jylýyn syıǵyzyp,

Ońtústikke jetken bir qońyraý,

Sanamda tunar máńgilik,

Bolar bálkim, arman kógime mándilik.

Shynaıy,

Sezimdi sezdim aǵalyq,

Baıqaldy boıynan danalyq.

Shynaıy,

Jyly sózin ettim jan azyq,

Sanam silkindi ketken azyp.

Shynaıy,

Júrekti ańǵardym jalyndy,

Tanydym ór bolmys, nar uldy.

Shynaıy,

Nurly aǵam meniń,

Júregime darytqan senim.

Shynaıy,

Eńsemdi tiktetken tektim,

Kóńilge jyly jel bop estiń.

Shynaıy,

Teńizinde ómirdiń asaý,

Kezikpesten aǵajan tusaý,

Kúlimdem júrshi udaıy,

Halyqtyń aldynda aman-saý.

Kirlenbesin sizdiń kóńil aq adal,

Júregim jyryn aq óleńmen jazar.

Peıilim qunynyn sózbenen,

Jetkizýge keı kez júreksinem,

Sózim bul – shynaıy.

Jyly sóz - janyma ár,

Muńy kóp ǵumyryma nár,

Sezim bul  -  shynaıy.

İni bolyp tolǵanýda bir baqyt,

Tileýqor jan jaıly erek.

Adamdyqqa ǵashyq bolam bir ýaq,

Meıirimi kózinen kóriner bólek.

Shynaıy,

Janaryńyzdan meırim kórdim,

Jan áldıler jylylyqpen.

Sol meıirimmen jyrymdy órdim,

Júregimnen túsken soń jarlyq.

                           ***

Nurly aǵam,

Kóńil kógime nur shashqan,

Nurly adam,

Áz ǵumyryń bolsyn dastan.

İsińizge bereket tiledim,

Júzińiz kúlimdep ár kún.

Ózińizge tilekshi júregim,

Armandaryńyz aınalsyn

                    shyndyqqa bútin.

                                ***

Siz – shynaıy jansyz,

Bylǵanbaǵan kóńil shyraıy.

Siz – shynaıy jansyz,

Júrekke sengen udaıy.

Bul jyrym –

          inilik nıet shynaıy.

Qańtardaǵy qoshtasý

Kúrsinister tamam bolmaıdy,

Sońyńnan azap-muń qalmaıdy.

Ýaqyt jazady deme  jarany,

Jurttar solaı bizdi aldaıdy.

Qańtarda jaýǵan aq qardaı,

Armanym júregińde saqtalǵaı.

Ýaqyttyń ótkenin ańǵarmaǵan,

Júrekke  jyr quıylǵan shaqtar-aı.

Qańtardyń qaryn súımeımin sensiz,

Júregim qystyń syzyn sezedi sensiz.

Baqytty dep oılamaımyn seni de men,

Jalǵyzsyrap júrgen bolarsyń mensiz.

Keýdeme ornap qańtardyń borany senseń,

Janym jylap júr jaýrap, kelseńshi sezseń.

Qańtardaǵy qoshtasý keshi sátti esime kelseń,

Túsip ketedi kúrsinistermen beımezgil  eńsem.

                          Umytarmyz bárin.

 Jyldar jasyryp jiberer,

Azabyń men qaıǵyńdy kermek.

Jan jarasyn emdep úlgerer,

Ýaqyt degen – uly qudiret erek.

Taǵdyr júzimizge bir kúni  kúler,

Senemin jyrly júregimmenen.

Júregimiz shattyqtan bir túler,

Sát saıyn tilegen tileýimmenen.

                          ***

Baqyt balyn tatqanyń,

Keregi qansha basqanyń.

Janyńdy jyr áldılep,

Araılap atsa aq tańyń.

Aılar alystatyp jiberse,

Júrektegi asyl jandardy.

Umytamyz bárin,

Salady qustar ánin.

Uǵyna alsaq qoı,

Jaryq jalǵan mánin.

Sezimniń jyry

Sezimińdi deısiń baǵala,

Aq qanat qusym shaǵala.

Armanyń aldar bolsa da,

Armanmen oı qyryn jerdiń arala.

Kók aspandaı ashyq bolsa kóńiliń,

Jaqsylyqqa tolady deısiń ómiriń.

Ólmesin deısiń tileýqor bop maǵan,

Aq qardaı taza júregińdegi sezimiń.

Teńizdi óppeı kún kesher bolsań,

Teńizden qashyqtap keter bolsań,

Ne kúıdi kesher ediń appaq qusym,

Kelmesin sózime ótinem eshbir yzań.

Teńizge erkelep alasyń keı ýaq,

Janyńa ór teńiz darytar shýaq.

Arnasynan asyp býyrqanar bolsa,

Janyń jabyrqaıdy bilem biraq.

 Teńizdiń minezin tanydyń erte,

Bolǵanmen bolmysyń názik erke.

Meni de jetelegen qushtarlyq,

Ózim anyq tanyp bilmegen ólke.

Mahabbat shyǵar júrekke qonǵan,

Janyma bolar dep senem qorǵan.

Qyrandy bilesiń be shaǵala sen,

Zańǵar kókti  óz bıiginen sholǵan.

Teńizdi súıdim jasymnan shaǵala,

Óziń úıretiń dep árkez sezimdi baǵala.

Qyrandy súıdim shaǵala keıippen men,

Ózińe asyǵamyn janym jabyrqaǵanda.

Teńizsiz men kún keshpegen ekenmin,

Sýsyz mekenge jarqynym bótenmin.

Syrymdy uqtyń dep bilemin shaǵala,

Men – teńizdi súıgen baıaǵy sol erkeńmin.

Bilemin janyma dem bergiń keldi,

Dostyq peıilińe bala kóńilim sendi,

Ómir degen – úzik úmitterdi úkileý dep,

Ómirdi súremin saǵynyshymmen endi.

Teńizińnen aıyrmasyn seni shaǵalam,

Sezim tógiler áli talaı júrek sharadan.

Saǵan obal

(Iýldýz Ýlýhbekqyzynyń izimen)

Ketpeshi  dep sóz shyǵyndar deme,

Sýynǵan júregim senen erte-aq.

Jylýyńdy sezinbeıdi endi dene,

Sanamda sen jaıly joq suraq.

Saǵan obal,

Maǵan obal.

Aıryldy  jolymyz,

Qalaýyńdy tap al.

Seni súıgen júregim aqymaq,

Seni kútken keshterim eles tek.

Seni aqtaǵan sózderim sandyraq,

Aldandy úmitim nelikten úrkek....

Saǵan obal,

Maǵan obal,

Deı berem átteń,

Ótken kúnderim oral.

Jylamaımyn.

Arqama artyp san júgin tirlik,

Menen kútedi áli kúnge bir irilik.

Jylatqandar kóp meni,

Kelmedi áli kóńil kóktemi.

Jubatqandardyń sany az,

Basady muńdarym eńseni.

Kóńildiń kóktemi keshikkeli,

Kelmesteı kórinedi maǵan jaz.

Kelseńshi júrektiń kóktemi,

Saqtaýly saǵan júrekte naz.

Jalǵan júzder, jalǵan sózder,

Jylatýdy biletin  pendeler,

Jubatýǵa  qaýharsyz  nege?

Sanam sony oılap sendeler.

Jalǵandy aqtaýǵa asyqqan,

Basyn kótere salyp jastyqtan.

Hálińe kúledi júregiń jylap,

Túnderdi aısań jas syqqan.

Jylamaýǵa bekindim senseńiz,

Janarymda jas taýsylǵandaı.

Shynaıy qalpyńyzdan ózgermeńiz,

Yqylasyńyz júregime azyq bolǵaı.

Kelgenshe júregimniń kóktemi kútken,

Mazamdy almasyn aýyr muńdar tipten.

Tylsym ún

Kúnsulý Turǵynbekqyzyna

                                                        Ún – úmitpen úndesse ǵana saz bolar.

                                                           (Túrik halqynyń naqyly)

Jaqsylar bar dep ǵalamda,

Jaqsy jyr saqtap sanańda,

Muqalmaı synyna tirliktiń,

Óner dep júrgen jan apa.

Qanatyńdy qaıyrǵandar,

Álemińnen aıyrǵandar,

Úmitińdi úzgen jandar,

Kór soqyrlar, nadandar.

Jetimdi jebep jasyǵan,

Tabylǵan dos qasynan.

Balalyqtyń kemesin áli,

Qıa almaǵan asyl jan.

Kúnińdi kúıge toltyrar,

Janyńda  júrgeı jaqsylar.

Náýirzek gúli sekildi jansyz,

Balapan júrekter naq qumar.

Sahnanyń qadirine jetem der,

ónerdi ólgenshe súıip ótem der.

Baqytyn ózgeden bólek quraǵan,

 Tylsym úni  barsha elge  unaǵan.

Kórgenmen san myń kedergilerdi,

Sáti joq onyń shaıqalǵan, qulaǵan.

Úlgi ettim meıirimdi bolmysyńdy,

Úlgi ettim óner dep ashshy ý ishýdi.

Úlgi ettim jabyrqamaı pendelikke,

Dál sizdeı bolyp kúesip kún keshýdi.

Tirligińdi tátti muńmen  órgen sát,

Sahnaǵa jan júrekti bergen sát.

Óner – baqytyńnyń bastaýy sirá,

Sahnada aq júregińiz bolar shat.

Bir ǵumyrlyq muń shekse de jan,

Áli  kúnge joǵalmady bir arman.

Sahnanyń qadirine shyn boılap,

Túspeniz laıym qasıetti sahnadan.

Óleńder toptamasynyń  avtory ​Meıirhan Meırambekuly Topanbaı – jas aqyn. Respýblıkalyq "Sharapat"shyǵarmashyl jastar baıqaýynyń bas júlde ıegeri. 1994 jyly Ońtústik Qazaqstan oblysynda týǵan. Týǵannan DSP, talma jáne kóz janarynyń nashar kórýi syndy derttermen aýyrady.