Saýd Arabıasynda ımamdardy jappaı jumystan qysqartý júrip jatyr. Bıliktiń bul sheshimimen 10 myń ımamdy jumysynan shyǵarylsa, shamamen 360 mln saýd rıalyn (shamamen 97 mln AQSH dollary) únemdeýge múmkindik týady, - dep habarlaıdy Qamshy.kz BNews.kz - ke silteme jasap.

Islam isteri jónindegi mınıstrlik ımamdarǵa eki múmkindiktiń bireýin tańdaýdy usynyp otyr. Birinshisi – 5 ýaqyt namazyn oqyp, shtattyq rejımge sáıkes tańertteńnen keshke deıin meshitte bolý, ekinshisi –  jumystan shyǵý.

«Saýd Arabıasy turǵyndarynyń kóp bóligi ımamdar eshteńe istemeıdi, jaıdan jaı kóp aılyq alady dep esepteıdi. Olardyń aılyq jalaqysy 3 myń saýd rıaly (shamamen 800 AQSH dollary). Osyǵan baılanysty, ıslam isteri jónindegi mınıstrlik «ımam» mamandyǵynyń ataýyn, «ýaǵyz aıtýshyǵa» aýystyrýdy josparlap otyr. «Ýaǵyz aıtýshylar» qajet bolǵan jaǵdaıda ǵana ýaǵyz aıtady», - deıdi mınıstrlik mamandary.

Budan bólek, ýaǵyz aıtýshynyń din jáne ıslamdy ýırený salasynan joǵary bilimi bolýy tıis.