Grýzıada «bógelip» qalǵan barlyq 324 týrıs Qazaqstanǵa oraldy. Bul týraly Investısıalar jáne damý mınıstriniń keńesshisi Táńirbergen Berdońǵarov málim etti, - dep habarlaıdy Qamshy.kz QazAqparatqa silteme jasap.

«Búgin tańǵy saǵat 3:45-te Batýmıde «bógelgen» qazaqstandyq týrıseri bar ushaq reısi  Astana áýejaıyna kelip qondy. Eske salaıyq, Grýzıada Skybus kompanıasynyń reısteri toqtatylýyna baılanysty qazaqstandyq týrıser qalyp qoıǵan bolatyn», - dep jazdy mınıstr keńesshisi Feısbýktegi paraqshasynda.

Onyń aıtýynsha, problema tikeleı mınıstrdiń aralasýymen jáne BekAir kompanıasynyń túsinistigi arqasynda oń sheshimin taýp otyr.

«Barlyǵy eki táýlik ishinde 324 adam shuǵyl tártippen elge jetkizildi. Degenmen, aldaǵy ýaqytta osyndaı oqıǵalar qaıtalanbas úshin sheteldegi týrıserdi qorǵaý jónnidegi júıeni júzege asyrý kerek. Olardyń turatyn ornyn, tamaǵy men keri qaıtý máseleleri durys sheshilýi tıis. Týroperatorlar qaýymdastyǵyna ótinish, bastalǵan jumysty jedeldetip, qatysý satysyna baılanysty konsensýs tabý kerek», - dep jazdy T.Berdońǵarov.

Eske sala ketsek, 26 tamyzda 300-den astam qazaqstandyq týrıs Batýmıden elge qaıta almaı qalǵan bolatyn.