Atyraý oblysynda nodýlárlyq dermatıtke ushyraǵan mal sany kóbeıip jatyr. Bul dertke qazir aımaqta 6000-ǵa jýyq iri qara shaldyǵyp, 700-den astamy aram qatypty. Aýrý mal, ásirese, Qurmanǵazy jáne Isataı aýdandarynda kóp, - dep habarlaıdy Qamshy.kz KTK arnasyna silteme jasap.

Bıyl elimizde alǵash ret tirkelgen bul aýrýǵa qarsy em jasalǵanymen, kóńil kónshiterlik nátıje joq. İndet elimizge Reseıdiń Astrahan oblysynan kelýi múmkin. Qazir turǵyndarǵa sıyr ataýlyny soıyp, etin jeýge, sútin ishýge tıym salynǵan. Bir aı buryn oblys boıynsha karantın jarıalanyp, respýblıkalyq mańyzy bar, sondaı-aq qala ishindegi joldarǵa dezınfeksıalyq pýnktter qoıylǵan edi. Shara eń sońǵy aýrý mal jazylǵannan keıin 30 kún ótkenshe jalǵaspaq. Al osyǵan deıin aýrýdyń aldyn alý maqsatynda arnaıy preparattar búrkip kelgen veterınarlar endi basqa amalǵa kóshipti. Iaǵnı, aldaǵy ýaqytta iri qaraǵa masa, shybyn, sonany jaqyndatpas úshin sıyrlardy syrǵalamaq. 

-Bul syrǵanyń da sekrometrın 935 mg-dyq dári bar sekrometrın degen. Bul ana teriniń maıly bezderimen baılanysqa túsip, denege taraıdy da, masa da, shybyn da qondyrmaıdy. Bul endi qazir bizdiń kórip otyrǵan  eń birinshi osyǵan qoldanatyn emimiz osy, - deıdi Atyraý oblystyq veterınarıa basqarmasynyń basshysy Nurbaı Ábdirahmanov.