Pákistannyń qarýly kúshteri el aýmaǵynda «Irak pen levant» lańkestik tobynyń sodyrlary áreket etetinin moıyndady. Úkimet jasaǵy osy kúnge deıin qaskóılik topqa qatysy bar degen kúdikpen 300 adamdy tutqyndaǵan, - dep habarlaıdy Qamshy.kz 24Habarǵa silteme jasap.

Olardyń 250-den astamy sol óńirdiń týmasy. Ásker basshylarynyń aıtýynsha, jergilikti tártip saqshylar der kezinde áreket etip otyrǵan. Sonyń arqasynda Islamabadtaǵy áýejaı men elshilik mańynda jarylys jasaýdy uıymdastyrǵan ekstremısterdiń aram oıy iske aspady. Eske sala keteıik, ótken aıda Kvetta qalasyndaǵy aýrýhanada jankeshti ózin jaryp, 70 adamdy ajal qushtyrǵan bolatyn. 100-den astamy jaralandy. Qastandyqty «Irak pen levant» lańkestik toby moıyndaǵan. İle shala «Djamaat-ýl-Ahrar» sodyrlary da shabýyldy óz moınyna alǵan.