Bul aqparat quqyq qorǵaý uıymdarynyń sotqa deıingi  anonımdi tergeý materıaldarynan belgili bolǵan. Qaıǵyly oqıǵa bolǵan maýsymnyń 10 kúni  áıelin uryp, tórt jerinen pyshaqtaǵan Baqytbek Esentaev qansyrap jatqanyna qaramastan,  Baıandy janarmaı beketindegi kólik ishinde  ustap otyrǵan.  Tipti jedel járdem de shaqyrmaǵana. Qansyrap jatqan Baıan kúıeýinen ózin óltirmeýin jalynyp suraǵan.  Qyzdary  Aısáýle kelgenshe 45 mınýt ótken, - dep habarlaıdy Qamshy.kz  Zakon.kz saıtyna silteme jasaı otyryp.

«Áıelder erlerege qaraǵanda shydamdy bolyp keledi.  Názik jandylar  1,5 lıtr qan joǵaltyp qaıta qalpyna kele alsa, erlerdiń shok alýy úshin 0,5 lıtr  qan jetkilikti»,- dep túsindirdi bul júıede uzaq ýaqyt qyzmet etken agenttik mamany. Atalǵan faktige  Qazaqstan Respýblıkanyń Qylmystyq Kodeksiniń 106 –shy baby boıynsha «Densaýlyqqa aýyr zıan tıgizgen»  degen aıyppen   qylmystyq is qozǵalǵan.

«BAQ betterindegi Baqytbektiń óz isine ókinýi jáne áıelinen keshirim suraýǵa múmkindigi bolmaı jatyr degen aqparattar  ótirik, onyń bir emes, myńdaǵan múmkindigi bolǵan» - dep málimdeıdi aqparat berýshi. Onyń ústine Baqytbek Esentaevtyń qorǵaýshysy Bekbolat Jekseıitov QR Bas prokýrory Andreı Kravchenkonyń qabyldaýyna jazylǵan, ol Taldyqorǵanda jeke bas máselesi boıynsha qabyldaýǵa kirmek.  Kelesi sot Qaskeleń qalasynda bolýy múmkin.