Qytaıda ótetin G20 samıti qarsańynda Sınhýa agenttigi men basqa da aqparat quraldaryna suhbat bergen Qazaqstan prezıdenti Nursultan Nazarbaev osylaı málimdedi, - dep habarlaıdy Qamshy.kz.

Onyń aıtýynsha, eki el arasynda kólik qatynasynan basqa, ónerkásip salasy da mańyzdylyqqa ıe kórinedi. Eki eldiń úkimeti Qytaıdyń ónerkásip kúshterin Qazaqstanǵa kóshirý jónindegi baǵdarlama qurǵan. Qazirgi tańda kóshiriletin nysandar tizimine jalpy quny 26,2 mıllıard dollardy quraıtyn hımıa ónerkásibi, ken-metallýrgıa, mashınajasaý, ınfraqurylym, energetıkaǵ agroónerkásiptik keshen, jeńil ónerkásip, munaı óńdeý, qurylys materıaldaryn shyǵarý men aqparattyq tehnologıalar sektoryna tıesili 51 joba engen. Bul 51 jobanyń ishinde ekeýi – untaqty polıpropılen jáne jeńil avtokólik shyǵarý jobalary iske qosylyp ta qoıǵan.

Prezıdent suhbat barysynda Qazaqstannyń Qytaımen saýda-ekonomıkalyq baılanystardy kúsheıtýge múddeli ekendigin, «Jibek joly» ekonomıkalyq beldeýi ıdeıasyn qyzý qoldaıtynyn aıtqan.

«Qytaı tarapy úsh negizgi baǵytty anyqtap otyr. Onyń ekeýi, Qytaıdan Ortalyq Azıa, Reseı arqyly Eýropa/Baltyq teńizi, Qytaıdan Ortalyq Azıa, Batys Azıa arqyly Parsy shyǵanaǵy jáne Jerorta teńizi baǵyttary  Qazaqstannyń «Nurly jol» ınfraqurylymdyq baǵdarlamasyn tolyqtyrady», - deıdi N. Nazarbaev.