Mańǵystaý oblysyndaǵy 172/6 qatań rejimdegi túrmesinde arnaýly orta oqý orny ashyldy. Munda 200 jazasyn óteýshi bilim alýda. Onyń 80-i keshkilik mektepte oqıdy. Qalǵany kolonıadaǵy kolejde eki jyl bilimin shyńdamaq, - dep habarlaıdy Qamshy.kz 24Habarǵa silteme jasap.

Munda temir jonýshy aǵash sheberi jáne kran mashınısteri daıarlanady. Keleshekte mamandyq sanyn kóbeıtý josparlanýda. Jazasyn óteýshilerdiń túrmedegi óndiris alańdarynda tájirıbeden ótýine jaǵdaı jasalǵan.

- Mektepte búginde tańda 6-12 klassqa deıingi alty synyp bar, teorıalyq sabaqtardan ótedi. Buǵan qosymsha óndiristik aımaqta praktıkalyq jumystardan ótedi. Kásipker retinde jumys istep jatqandary óz jalaqylaryn alyp otyr, - deıdi GM 172/6 túzetý mekemesiniń basshysy Asylbek Anarbaev.