«Qazaqstanda Reseıdiń úsh banki - "Sberbank", VTB jáne "Álfa-bank" endi enshiles bólimsheleri arqyly jumys isteıdi.

   Úsh bank te nesıelendirý naryǵyndaǵy úlesin kóbeıtip, depozıttik bazasyn keńeıtýge kúsh salyp otyr. Eger byltyr eldegi barlyq bankterdiń depozıt kólemi orta eseppen 16 paıyzǵa ósse (biraq jeti banktiń salymshylarynyń kóbi depozıtterin qaıtaryp aldy), reseılik úsh bank salym kólemi 90-100 paıyzǵa artqanyn habarlady. Úsh banktiń bir jylda bergen nesıesiniń jıyntyq kólemi 35 paıyzǵa ósken. Biraq bul úsh banktiń nesıe qorjynyndaǵy qaıtarý merzimi ótip ketken nesıeler úlesi Qazaqstannyń bank júıesinen kóp tómen»dep habarlaıdy «Azattyq» radıosy.

Bul neni kórsetedi?

Bul Reseıdiń Qazaqstandy óziniń bankter júıesi arqyly jaýlap alýdy bastap ketkenin kórsetedi. Onyń ústine Qazaqstandaǵy ekinshi deńgeıdegi bankterdiń jaǵdaıynyń nashar ekenin, halyqqa nesıe berýge qabiletsiz ekenin búgingi bıliktiń ózi moıyndap otyr. Qaı memlekettiń de negizigi tiregi - ekonomıka. Qazaqstan ekonomıkasyn búginderi bankteri jaýlap alyp jatsa, erteń elimizdi saıası jaǵynan jaýlap alý bastalady degen sóz.  Reseılik bankterdiń barlyǵy halyqqa nesıeni ózderiniń rýblimen bere bastasa, eldi ekonomıkalyq turǵydan jaýlap alý emeı, nemene?

Qazirdiń ózinde Qazaqstan azamattary paıyzdyq kórsetkishi tómen Reseı bankterine júginýdi bastap ketkenin sol "Azattyq» radosy óz betterinde jazyp jatyr.

Myna bizdiń bıliktiń  nege «Eýrazıa odaǵyna» sonsha «qumartyp» otyrǵandarynyń artynda ne turǵanyn endi túsinýge bolady.

Memleket basshysynyń qansha jerden: «Biz Táýelsizdigimizden aırylmaımyz» dep jar salǵanymen, elimiz birtindep táýelsizdiginiń tizginin Máskeýge  berip jatqanyn Qazaqstandy qaptap ketken Reseı bankterinen baıqaý onshalyqty qıynǵa túspeıdi.

  Sonaý HÚİİİ ǵasyrda partshalyq Reseı Qazaqstandy jaýlap alýdy qazaqtyń aýqattylaryna paıyzdyq kólemi tómen nesıeler, aqshalar úlestirýmen bastaǵany jóninde kezinde «Alash» kósemderi az jazǵan joq bolatyn. Mine, HHİ ǵasyrda da sol Reseı Qazaqstandy otarlaýdy ózderiniń bankterimen bastap ketkendeı áser etedi.

Jumash Kenebaı