Ánshi Dıana Sharapova Golovkınniń Brýkpen ótetin jekpe-jegi qarsańynda qazaqstandyq boksshyǵa qoldaý kórsetý úshin Gena King ánine beınebaıan túsirdi, - dep habarlaıdy Qamshy.kz Tengrinews.kz - ke silteme jasap.
Beıneklıpke Rıodaǵy Olımpıada oıyndarynyń qatysýshylary túsken. Olardyń arasynda Olımpıada oıyndarynyń kúmis júldegeri Eldos Smetov, taekvondoshy Rýslan Japarov, boksshy Oljas Sattybaev, sondaı-aq júzýden rekord ornatqan Zúlfıa Ǵabıdýllına bar.
Beınebaıandy túsirý kezinde Dıana Sharapova judyryqpen jattyǵyp, sekirtpemen jáne balǵamen túrli jattyǵýlar jasaıdy. "Nusqaýshym meniń salmaǵy 15 keli bolatyn balǵany alyp,"KAMAZ-dy" ura bastaǵanymdy kórip, tańǵaldy. Gennadıı rasynda da rıngtiń patshasy, zamanaýı bokstyń patshasy. Ol Qazaqstandaǵy eń kásipqoı sportshy, óziniń mansap jolynda birde-bir jekpe-jekte jeńiliske ushyraǵan joq. Ol men úshin jáne búkil álem úshin fenomen. Oǵan arnap án aıtý men úshin qurmet", - dedi Dıana Sharapova.
Eske salaıyq, Golovkın - Brýk kezdesýi 10 qyrkúıekte Londonda 20 myń oryndyq O2 arenasynda ótedi. Qazaqstan jáne Kazsport arnaary tikeleı efırden kórsetedi. Kórsetilim Astana ýaqytymen 23:00-de bastalady.
