Stýdentterge arnalǵan «Enactus Kazakhstan Summer Camp 2016» bıznes lager maýsymyn aıaqtady. Ol Enactus Kazakhstan tarıhyndaǵy  ekinshi lager, eldegi belsendi stýdentterdi, akademıalyq jáne isker kóshbasshylardy biriktiretin halyqaralyq komersıalyq emes uıym, dep habarlady óńirdiń aqparattyq ortalyǵynda.

Bıyl Semeıde «Qurylysshy» sanatorııi bazasynda 15-20 tamyz aralyǵynda halyqaralyq jazǵy bıznes mektebi jumys istedi. Ony Enactus Kazakhstan dırektorlar keńesiniń qoldaýymen Enactus Kazakhstan ulttyq keńse uıymdastyrdy. Demalys orny stýdentterdiń qarqyndy bilim alýy men trenıńter ótkizýge arnalǵan. Jazǵy mektep qyzyqty bıznes jobalar, dıalog alańyn, Enactus baǵdarlamasynyń stýdenttik kóshbasshylary men tabysty bıznesmenderiniń ónimdi yntymaqtastyq  zerthanasyn qurý alańy boldy.

  «Enactus Kazakhstan Summer Camp 2016»  lagerinde eldiń ár óńirlerinen 10 stýdent demaldy.  Olar mádenıet, bıznes, memleket qaıratkerlerimen aralasyp, qazaqstandyq jáne halyqaralyq kásipkerlik sarapshylarynan keńes aldy, mansabyn sátti qalyptastyrý úshin baılanystardy rettedi. Jazǵy mektepte Enactus Kazakhstan áriptesterinen sheberlik synyptary ótti. Osynyń barlyǵy stýdentterdiń kásibı jáne tulǵa retinde damýyna yqpal etti.