Shyǵys Qazaqstan oblysynyń ákimi Danıal Ahmetov jerlesterin Qurban aıt meıramymen quttyqtady. Bul týraly oblys ákiminiń baspasóz qyzmeti habarlady.
«Sizderdi musylman qaýymynyń ulyq merekesi - Qurban aıt meıramymen shyn júrekten quttyqtaımyn!
Elbasy Nursultan Ábishuly Nazarbaevtyń kemel saıasatynyń nátıjesinde dinaralyq jáne ultaralyq kelisimniń jarqyn úlgisine aınalǵan Qazaqstan úshin Qurban aıtty merekeleýdiń oryny erekshe. Bul izgilik pen meıirimdi, qaıyrym men qanaǵatty arttyratyn, ult pen ulysty uıystyryp, el birligin nyǵaıta túsetin meıram. Osy kúnderi kómekke muqtaj jandarǵa kórsetiletin qoldaý júrekterdi jylý pen rızashylyqqa toltyrady.
Ardaqty aǵaıyn, barshalaryńyzǵa baqyt, molshylyq, yrys-yntymaq tileımin! Saýapty isterińiz ben izgi tilekterińiz qabyl bolsyn!», delingen habarlamada.
