SHQO basshysy Danıal Ahmetov «LK GES» JSHS-da boldy, qurylys jáne aýyl sharýashylyǵy nysandaryn aralady, orman sharýashylyǵy jáne týrızm salalaryndaǵy jobalarmen tanysty, jeke suraqtar boıynsha azamattardy qabyldady jáne Rıdderdegi úı qurylysy máselesi boıynsha jıyn ótkizdi, dep habarlady oblystyq ákimdiktiń baspasóz qyzmeti.
Oblys ákimi Danıal Ahmetov aldymen Rıdderdegi «LK GES» JSHS-ǵa soqty. Úlbi ózenindegi gıdroqurylymdy qalypqa keltirý jumystary qyzý júrip jatyr. Kásiporyn basshylyǵynyń josparyna qaraı jyl sońyna deıin eki týrbına iske qosylady. Olar 24 MVt elektr energıasyn óndirmek.
Keıin óńir basshysy «Orman sharýashylyǵy jáne agroormanmelıorasıasy qazaq ǵylymı-zertteý ınstıtýty» JSHS Altaılyq fılıalynda boldy. Munda orman ónimderin qaıta óńdeý salasyndaǵy jobalar tanystyryldy. Danıal Ahmetov bıznes-josparlar ázirleýdi tapsyrdy.
Rıdder qalasynda Mıchýrın kóshesiniń boıynda salynyp jatqan 280 oryndyq balabaqsha uzaq merzimdi qurylystardyń qatarynda. Oblys basshylyǵy atalǵan nysanǵa bólingen qarjyny qaıtaryp, ózge nysandarǵa úılestirý máselesin kótergen. Alaıda onyń qurylysyn ózge merdiger qolǵa aldy. Ol oblys ákimine balabaqsha jyl sońyna deıin qoldanysqa beriletinin aıtyp sendirdi.
«Nur Otan» partıasynyń Rıdderlik fılıalynyń ǵımaratynda Danıal Ahmetov jeke máseleler boıynsha azamattardy qabyldady jáne Rıdder qalasyndaǵy úı qurylysy máselesi boıynsha jıyn ótkizdi. Jıyn qorytyndysy boıynsha eki úıdiń qurylysy úshin qarajatty oblystyq búdjetten bólý sheshimi qabyldandy. Páterler Qazaqstannyń Turǵyn úı qurylys banki jelisi boıynsha tapsyrylady.
Rıdderde ákim hokeı modýlin qaıta qurylymdaý jumystarymen tanysty, «Dýdkın S.N.» sharýa qojalyǵynyń 400 bas mal ustaıtyn sútti-taýarly fermasynda boldy.
Jumys saparynyń sońynda oblys ákimi «Sınegore» demalys bazasyna soqty. Munda týrızm boıynsha jobalar tanystyryldy. «Arman Village» jobasy boıynsha Danıal Ahmetov bıznes-jospar quryp, ony qarastyrýdy tapsyrdy.
