Jyl basynan beri Almaty oblysy 269,3 mlrd. teńge ınvestısıa tartty. Bul týraly búgin Ortalyq komýnıkasıalar qyzmetinde ótken baspasóz máslıxatynda Almaty oblysy ákiminiń orynbasary Baqtıar Ónerbaev málim etti.

"Investorlarmen tyǵyz qarym-qatynas ornatý - bizdiń jumystyń basty baǵyttarynyń biri. Jyl basynan beri Almaty oblysy 269,3 mlrd. teńge ınvestısıa tartty. Bul búdjetke túsetin salyqtyq túsimderdiń kólemin ulǵaıtady. Óz kezeginde ol eksport pen respýblıkalyq búdjettik sýbvensıa úlesin tómendetip, jumyspen qamtýǵa jaǵdaı jasaıdy", - dedi aımaq basshysynyń orynbasary.

Onyń málimetteri boıynsha, oblysta sońǵy 7 aıda 14 myńnan astam jumys oryndary qurylǵan.

"Jumyspen qamtý - Memleket Basshysynyń basty tapsyrmalarynyń biri. Sonyń arqasynda ǵana oblys ózin-ózi qamtamasyz ete alady, elimizdiń berik tylyna aınalady", - dep atap ótti B. Ónerbaev.

"Sonymen qatar byltyr ınvestorlardyń arqasynda Kóksý aýdanynda qant zaýyty iske qosyldy. Bıyl Aqsý qant zaýyty qalpyna keltirilýde. Osylaısha, Almaty oblysy qolda bar múmkindikterdi paıdalanyp, eldi qantpen qamtamasyz etýge at salysýda. Tipti bolashaqta eksportqa shyǵatyn múmkindikti qolǵa alady", - dep atap ótti ol.