Almaty oblysynda Tamǵalytas shatqalynda «Jartasty qala -Astana» oqý-jattyǵý polıgonynda «Qazqutqarý-2016» respýblıkalyq jıyn-semınary jalǵasýda.

Jas qutqarýshylar komandalary arasyndaǵy jarystyń jeńimpazdary aıqyndaldy, olar eki kún boıy qutqarýshy kópsaıycynda birinshi orynǵa baq synasty. Jas qutqarýshylar tehnogendik jáne tabıǵı apattar jaǵdaıynda izdeý-qutqarý jumystaryn júrgizdi. Budan basqa, konkýrstyq baǵdarlamaǵa psıhologıalyq testileý, ózin-ózi tanystyrý jáne qabyrǵa gazeti kirdi.

Jarystyń barlyq kezeńderin ótý nátıjeleri boıynsha 1-oryndy Batys Qazaqstan oblysynyń qutqarýshylary ıelendi. 2-orynda Jambyl oblysynda. 3-oryn Astana qalasynyń jigitterine buıyrdy. 4-orynǵa Qaraǵandy oblysynyń atynan Temirtaý Balalar aýyly SOS qutqarýshylary. Jeńimpazdar kýboktarmen, dıplomdarmen jáne estelik syılyqtarmen marapttaldy.

Júldeli 1-shi jáne 3-shi oryndary ıelengen jas qutqarýshylar  ózderiniń utyp alǵan júldelerin Temirtaý Balalar aýyly SOS tárbıelenýshilerine tapsyrdy.

Kásibı qutqarýshylar komandalarynyń arasynda saıys jalǵasýda.

«Tehnogendik apattar jaǵdaıynda izdeý-qutqarý jumystary» araqashyqtyǵynda qutqarýshylar «Úıindi», «Jar», «Labırınt», «Taýdaǵy qutqarý jumystary», «Jol-kólik jáne temirjol oqıǵalary», «Hımıa», «Fort» kezeńderinen ótedi.

Barlyq saıys kezeńderinde komandalardyń basty mindeti «zardap shekkenderdi» jáne «qaza bolǵandardy» izdep tabý, olardy qaýipsiz jerge shyǵarý, alǵashqy medısınalyq kómek kórsetý, olardy qaýipsiz orynǵa kóshirý bolyp tabylady.

Kınologıalyq eseptoptar «Baǵynýdy jáne ıkemdilikti tekserý» araqashyqtyǵyna jarysýdy jalǵastyrýda.

«Qazqutqarý-2016» 21-shi respýblıkalyq jıyn-semınary 22 qyrkúıekke deıin jalǵasady