Ýkraına prezıdentiniń mindetin atqarýshy Aleksandr Týrchınov Reseıden Ýkraınanyń ishki isine aralasýdy jáne "bopsalaýdy" toqtatýdy talap etti. Telearnadan sóılegen Týrchınov Ýkraınanyń "terorıstik qaýipten taısaqtamaıtynyn" aıtyp, Reseıden Ýkraınamen shekaradaǵy áskerin áketýdi talap etti. 24 sáýir kúni Reseı Ýkraınamen shekarasyna áskerin shoǵyrlandyryp, "Ýkraına áskeriniń reseıshil separatısterge qarsy shabýylǵa shyǵýyna jáne NATO-nyń Polsha men Baltyq boıy elderindegi jattyǵýlaryna jaýap retinde áskerı jattyǵý bastaıtynyn" málimdegen. Ýkraına ishki ister mınıstrligi 24 sáýir kúni Slavánsk qalasy mańyndaǵy urysta bes separatıst qaza tapqanyn málimdegen. Reseı prezıdenti Vladımır Pýtın Kıevtiń Ýkraınanyń shyǵysyna ásker kirgizýin "aýyr qylmys" dep atap, onyń zıandy saldary bolatynyn aıtqan.

Azattyq radıosy