Álemniń jaryǵyn syılaǵan analarǵa degen qurmet árqashanda jo­ǵary. Tek balalarynyń aldynda ǵana emes, memleket aldynda da úlken eńbek sińirip, el aldynda abyroılaryn asyrǵan altyn qursaqty analardy Taldyqorǵan qalasynyń ákimi Baǵdat Qarasaev qabyldap, «Altyn alqa» jáne «Kúmis alqa» ıeger­leri atanǵan aıaýly jan­dardy qut­tyqtady.

Qala ákimdiginiń úlken za­lynda byldyrlaǵan ba­la­lar­dyń úni erekshe es­tildi. Bar­lyǵy da baldaı tátti qylyq­tarymen, súı­kimdiligimen adam tar­tady.

– Bala – baýyr etiń, ómir­­­­degi eń basty baqy­tyń. Bala – ómirińniń jal­ǵasy. Sondyq­tan da bar­lyq­ta­ryńyzǵa den­saý­lyq, baqyt, bereke-birlik, ot­ba­­syla­ryńyzǵa aman­dyq tileımin. Qazir­gi tańda bala­ny durys tárbıeleý eń birinshi min­det. Muny Siz­der óte jaq­sy bilesizder dep oı­laı­myn. Máńgilik Eldiń urpaq­tary erteńgi elimiz­diń úmi­tin aq­taı­tyn aza­mat­tar bolsyn dep ti­leı­min. Siz­derdi marapat­taý men úshin úlken qur­met. Mara­pat­­taryńyz qutty bolsyn, – dedi ózi­niń qut­tyqtaý sózin­de qala ákimi Baǵdat Qara­saev.

Ómirdegi eń úlken er­likti bir ózderi atqaryp, bala-shaǵasynyń orta­syn­da bal-bul janǵan qýa­nyshty sáttiń basty keıip­kerleri altyn­nan, kúmisten alqa taǵyndy. Olarǵa qala bas­shysy óz qolymen syı-sıa­patyn usy­nyp, ar­daqty jan­dardy marapa­tymen shyn jú­rek­ten qut­tyq­tady.