Búgin, 19 qyrkúıekte el Prezıdenti Nursultan Nazarbaev jumys saparymen Almaty oblysyna keldi.
Elbasynyń jumys sapary Taldyqorǵan qalasynyń áýejaıyn jańartý barysymen tanysýmen bastalady.
Bıyl ushý-qoný jolaǵy, perron, vokzal mańyndaǵy alańǵa kúrdeli jóndeý júrgiziledi, sondaı-aq jańa aeronavıgasıalyq keshen paıdalanýǵa engizildi, bul maqsatqa respýblıkalyq búdjetten 11 mlrd teńgeden astam qarajat bólindi.
Keleshekte áýejaı Qyrǵyzstan, Reseı, Qytaı jáne basqa da eldermen oblys ortalyǵyn biriktiretin halyqaralyq deńgeıge kóterilýi tıis.
Odan ári Prezıdent Eskeldi aýdanyndaǵy «Nam G.N» sharýashylyq qojalyǵyna barady, odan keıin qant qyzylshasy egistigin kóredi.
Eske salsaq, 2014 jylǵy tamyzdaǵy Almaty oblysyna jumys sapary barysynda Memleket basshysy óńirdiń burynǵy eldegi qyzylsha sharýashylyǵyndaǵy jetekshilik rólin qaıta jańǵyrtýdy tapsyrdy. Osy maqsatta óńir basshylyǵy tıisti aýqymdy jumys júrgizdi. Qyzylsha óndirýshilerge jan-jaqty qoldaý, kómek kórsetildi: 240 mln teńge memlekettik sýbsıdıa bólindi, arnaıy tehnıka, sapaly tuqym, gerbısıdter, otyn-jaǵarmaı materıaldary, ónimdi shalǵaı aýdandardan jetkizý úshin KamAZ kólikteri satyp alyndy. Barlyq jasalǵan jumys oń nátıjesin berýde. Óńirde qant zaýyttary men qyzylsha qabyldaý pýnktteri qalpyna keltirilip jatyr.
Sondaı-aq Elbasy bir aı buryn paıdalanýǵa berilgen oblys ortalyǵyndaǵy kóp beıindi jańa aýrýhanaǵa barady.
Kóp beıindi aýrýhanany salýǵa 9 371,0 mln. teńge bólingenin atap ótken jón, onyń ishinde 1 887,0 mln. teńge jergilikti búdjetten. Aýrýhana somasy 4 094,0 mln. teńgelik zamanaýı medısınalyq jabdyqtarmen jaraqtalǵan. Kadrlyq quramy - 676 birlik, onyń ishinde 143 dáriger. Aýrýhananyń jalpy alańy 33 885,6 sharshy metr. Aýrýhanada stasıonar almastyratyn, stasıonarlyq, joǵary kásibı medısınalyq kómek kórsetedi. Ol terapıa, hırýrgıa, polıjaraqat, qalpyna keltirý ortohırýrgıasy, neırohırýrgıa, mınıınvazıvti hırýrgıa, otorınolarıngologıa, jáne jaq-bet hırýrgıasy, ýrologıa, oftalmologıa bólimshelerinen turady. Jabdyqtar: magnıttik-rezonanstyq tomograf, eksımerlik lazer, barokamera, endovıdeohırýrgıalyq qurylǵy jáne t.b. bar.
Sodan keıin Prezıdent Oqýshylar saraıynda bolady. Munda kóptegen úıirmeler, seksıalar jumys isteıdi. Nursultan Ábishuly jas sýretshilerdiń jumystary qoıylǵan kórme galereıasymen, akt zalymen tanysady.
Odan ári Ortalyqtyń jumysy kórsetiletin Jastarǵa qyzmet kórsetý ortalyǵynda bolý josparlanýda.
Búgingi kún Taldyqorǵan qalasynyń jurtshylyǵymen kezdesý ótetin «Jastar» saıabaǵyna barýmen aıaqtalady.
