Qurmanhan Muqamádıuly belgili saıasat jáne qoǵam qaıratkeri, jazýshy, aýdarmashy, dramatýrg. Altaıdyń kúngeı betinde, Shyńjanda 1924 jyly týylǵan. 1938-1942 jyldary muǵalimder tehnıkýmyn, 1948-1950 jyldary Máskeýdegi İshki ister joǵary mektebiniń arnaýly kýrsyn bitirgen. Eńbek jolyn 1942 jyly muǵalimdikten bastap, aımaqtyq İshki ister bóliminde ókil, bólim bastyǵy, Baıan-Ólgıı aımaǵy ákimshiliginiń bastyǵy, partıa komıtetiniń birinshi hatshysy sıaqty jaýapty qyzmetter atqarady. 1946 jyly Shyńjanda Shyǵys Túrkistan memleketin qurý isine kómektesý úshin mońǵolıalyq qazaqtarynan quralǵan partızandar bóliminiń komısary bolǵan. 1951 jyly Mońǵolıanyń alǵash saılanǵan memlekettik Uly hýralynyń depýtaty bolady. Odan keıin de depýtattyqqa eki márte saılanady. Qurmanhan belgili jazýshy. Onyń «Jasyl doń», «Asýda» jınaǵy 1959-1960 jyldary jaryq kórgen. Baıan-Ólgıı aımaǵy jazýshylar bólimshesin basqardy. Ol Mońǵolıanyń jańa zaman ádebıetiniń klassıgi D.Nasagdorjdyń «Jumbaq tóbeleri» operasynyń lıborettasyn qazaq tiline naqyshyna keltirip aýdaryp shyqty. Mońǵolıa qazaqtary ishinen shyqqan asa qabiletti, jan-jaqty bilimdi azamat edi. Biraq amal neshik, týylǵan ortasy oǵan talantyn asha túsýine múmkindik bermedi. 1964 jyly dúnıe saldy.
Qurmanhan Muqamádıulynyń 90 jyldyǵyna oraı «Qazaqtyń talantty uly, jazýshy-dramatýrg Qurmanhan Muqamádıuly» atty dóńgelek ústel ótedi. Májiliske tarıhshylar, jazýshylar, qoǵam qaıratkerleri men marqumnyń urpaqtary jáne buqaralyq aqparat quraldarynyń ókilderi qatysady.
Ótetin orny: Almaty qalasy, Ǵylym ordasy, Shevchenko kóshesi, 28 Sh.Sh.Ýálıhanov atyndaǵy Tarıh jáne etnologıa ınstıtýty, kabınet № 305 Bastalýy: 2014 jyly 30-shy sáýir. Saǵat 11.00-de Dúnıejúzi qazaqtarynyń qaýymdastyǵy Sh.Sh.Ýálıhanov atyndaǵy Tarıh jáne etnologıa ınstıtýty
Baılanys tel: 2733244, 8 701 6636843., 2724654. 8 7714110133 ubota56@gmail.com, akudaybergen@mail.ru
