Almaty oblysynda "Jumyspen qamtý 2020 jol kartasy" baǵdarlamasymen 41 myńnan astam adamdy qamtý mejelengen bolatyn. 1-shi qyrkúıekke jospar 81 paıyzǵa oryndaldy, - dep habarlaıdy Qamshy.kz "Jetisý" arnasyna silteme jasap.
Bul týraly búgin "Jýrnalıser úıinde bergen baspasóz brıfıńinde Almaty oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Qanybek Aıtjanov aıtty. "Baǵdarlamaǵa respýblıkalyq búdjetten 17 mlrd, 950 mln teńge bólingen. Aıasynda óńirdegi 265 eldi mekende 407 joba júzege aspaq. 1 jarym myńnan asa jumys orynyn qurý belgilengen. 1457 adamǵa shaǵyn nesıe berilýi tıis. 400-deı adam kásipkerlik negizderine oqytylmaq. Munyń syrtynda aýyldyq jerlerdiń ınfraqurylymyn damytý isine jumyssyzdardy tartý qaýyrt qolǵa alynyp jatyr. Jastar tájirıbesine 1300-den asa túlek jiberildi. 2016 jyldyń 1- qyrkúıegine oblysta 17 229 jumys oryny quryldy.
